Доннарумма Мусиала туфайли психологга мурожаат қилди
07 jul 2025 18:35
News

Доннарумма Мусиала туфайли психологга мурожаат қилди

Франциянинг ПСЖ жамоаси дарвозабони Жанлуижи Доннарумма "Бавария"га қарши Клублар ўртасидаги Жаҳон чемпионати чорак финал учрашувида психологга муҳтожлик сезди.

Биринчи бўлим охирларида Германия терма жамоаси вингери Жамол Мусиала италиялик дарвозабон билан тўқнашувда жиддий жароҳат олди.

"RMC Sport" хабарига кўра, танаффус вақтида Доннарумма клуб психологига мурожаат қилган, чунки рақибга жароҳат етказгани учун ўзини айбдор ҳис қилган.

Мусиалага болдир суяги синиши ташхиси қўйилган. Ярим ҳимоячи шу йил охиригача майдонга туша олмайди.