Доннарума ПСЖда захира ўриндиғини қўриқлайди

Жанлуижи Доннарумма эркин агент сифатида ПСЖ сафига келиб қўшилганди.

Шундан сўнг, жамоа мухлислари орасида асосий дарвозабон ким бўлади, деган савол туғила бошлади. Сабаби, клубнинг асосий посбони Кейлор Навас ўтган мавсумда ишончли ўйинлар ўтказганди.

Хабарларга кўра, Париж клуби мураббийлар штаби бошланғич таркибда мунтазам майдонга тушадиган голкипер сифатида Навасни эътироф этмоқда. Жанлуижи эса унга ўринбосар сифатида захира ўриндиғида ўз навбатини кутади.

Эслатиб ўтамиз, Доннарума якунланган мавсумда "Милан" сафида 48 учрашувда майдонга тушиб, 15 ўйинда дарвозаси дахлсизлигини сақлаб қола олган.