Дониёр Усмонов: “Нефтчи”га қарши баҳсда босимсиз ўйнадик”
31 oct 2015 14:30
News
![](https://championat.asia/upload/storage/187323_original.jpg)
![](/upload/storage/187323_220.jpg)
Дониёр Усмонов: “Нефтчи”га қарши баҳсда босимсиз ўйнадик”
Мазкур ғалаба қўқонликларнинг ўз тарихидаги “Нефтчи” устидан қозонилган иккинчи ғалабаси бўлди. Ёдингизда бўлса 2014 йили Қўқонда кечган Ўзбекистон Кубоги доирасидаги баҳсда “шунқорлар” пеальтилар сериясида фарғоналикларни мағлубиятга учратганди. Кечаги муваффақият эса уларнинг чемпионатдаги илк ғалабаси бўлди. Учрашувда “Қўқон-1912”га ғалаба келтирувчи гол муаллифи бўлган Дониёр Усмонов ўйин ҳақида ўз фикрларини билдириб ўтди.
- Дониёр, аввало тарихий ғалаба билан табркилаймиз. Учрашув хусусида фикрингиз қандай?
- Табрик учун ташаккур. Гарчи ғалаба қозонган бўлсакда, учрашув жуда ҳам қийин кечди. Мезбонлар ўз майдонида осонликча очко улашиб юборадиган клуб эмас. Буни ўйин давомида билиш қийин кечмади. Тўғриси, омадимиз келди. Фарғоналиклар бутун ўйин давомида ҳужум уюштирган бўлса, биз эса биргина вазиятдан унумли фойдаланиб қолдик. Шу тариқа ғалабага эришдик.
- “Қўқон-1912” чемпионат доирасида шу кунгача “Нефтчи”ни мағлуб эта олмай келаётганди. Бундан хабарингиз бормиди?
- Албатта, ўйиндан аввал бу ҳақда сайтингиздаги ўқигандим. Тарихни янгилаш учун бор кучни сарфладик. Дерби ўйинлари доимо муросасиз ва жангавор руҳ остида ўтади. “Нефтчи” билан баҳс ҳам кутилганидек мураккаб кечди. Лекин қора анъанага чек қўйганимиздан хурсандмиз.
- Ғалаба нимани ҳисобига қўлга киритилди деб ўйлайсиз?
- Биласизми биз “Нефтчи”га қарши баҳсда ҳеч қандай босимсиз харакат қилдик. Олий лигадан тушиб кетиш ёки қолиш тўғрисида эмас, учрашув ҳақида ўйладик. Мураббийлар ҳам баҳсдан олдин ҳотиржамлик билан ўйнаб, ўзимизни кўрсатишимиз кераклигини айтганди. Ғалабамизнинг яна бир муҳим омили деб эса аҳилликни айтган бўлардим. Барчамиз бир-биримизни қўллаб-қувватлаган холда тўп тепдик.
- Дербидаги ягона голни киритдингиз. Бу жуда ёқимли бўлса керак?
- Жуда ҳам. Ҳар бир баҳсдан олдин майдонга гол уришни ният қилиб тушаман. Яратганга шукур кеча гол уриб, жамоамга муҳим очколарни тақдим этдим.
Исломбек Рустамбеков суҳбатлашди.
Similar news
![AMP Logo](https://championat.asia/image/logo-amp.png)
Comments