Дониёр Ҳасанов: "Обод"нинг олдига олий лигага чиқиш вазифаси қўйилди"
09 feb 2015 09:00
News

Дониёр Ҳасанов: "Обод"нинг олдига олий лигага чиқиш вазифаси қўйилди"

ПФЛ кубогининг илк турида "Навбаҳор" устидан ғалабага эришган "Обод" клуби сардори Дониёр Ҳасановдан кичик интервью олдик.

"Ўйин оддий ўртоқлик учрашуви эмаслиги дарҳол сезилди. Рақиб олий лига вакили экани, таркибида кучли футболчилари борлиги билинди. Бироқ футболда омад ҳам керак. Омад биз томонда эди, гол уриб ғалаба қозондик", - дейди Дониёр Ҳасанов.

- Таркибга бир қатор янги футболчилар келишмоқда. Улар ҳақида нима дея оласиз?
- "Шўртан"дан Араик Бобоев, "Истиқлол"дан Шохруз Норхонов, "Насаф"дан икки нафар футболчи келди. Асосан жамоамиз услубига тўғри келадиган футболчилар кўрикдан ўтишмоқда.

- Бу йил биринчи лигада "Обод" олдига қандай вазифа қўйилди?
- Йиғин бошланаётганида раҳбарият бизга олий лигага чиқиш вазифасини қўйди. Бу йил олий лигада 16та клуб иштирок этиши туфайли биз элитага чиқишимиз мумкин.

Толибжон Қосимов суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: