Latest news

01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  13 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  21 00:09"Реал" — "Мальорка". Таркиблар маълум  13 23:37"Тулуза" — ПСЖ. Таркиблар маълум  1 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:40"Галатасарой" — "Ризеспор". Таркиблар маълум  4 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  371 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2

Долен Омурзаков ким бўлган? News

Долен Омурзаков ким бўлган?

Бугун Осиё қитъасида Жаҳон чемпионати 3-саралаш босқич учрашувлари давом эттирилади.

Ўзбекистон терма жамоаси 2-турни сафарда Қирғиз Республикасига қарши ўтказади. Ўйин Бишкекдаги Долен Омурзаков номли стадионда бўлиб ўтади ҳамда 19:00да бошланади. 

Бишкекдаги стадионга Долен Омурзаков номи берилган. Шу ўринда савол туғилиши мумкин: Долен Омурзаков ким бўлган ва нима учун стадионга шу кишининг номи берилган?

Маълумот учун, Долен Омурзакович Омурзаков Қирғиз Республикаси спорт қўмитасининг биринчи раҳбари ҳисобланади. Долен Омурзаков етим ўсган, унинг қайси санада туғилгани ҳужжатларда аниқ қайд этилмаган. Шу боис 22 апрель деб ёзиб қўя қолишган. Долен Омурзаков ёшлигидан спортга қизиққан, аввалига гимнастика, кейин эса бокс билан астойдил шуғулланган. Орадан вақт ўтиб Ленин номидаги жисмония тарбия ва спорт институтида таҳсил олган.

Олийгоҳда ўқиб юрган кезлари жисмония тарбия ўқитувчиси бўлишни ният қилган Омурзаков кейинчалик аспирантурада таҳсил олди. 50-йилларда у Давлат қўмитасининг жисмония тарбия ва спорт бўлими раҳбарлик лавозимида ишлаб, мамлакатда спорт ривожига катта ҳисса қўшди. Бунинг учун Долен Омурзаков 25 йил умрини сарфлади. Омурзаков спортга раҳбарлик қилган йиллари Кожомкул номидаги спорт саройи қуриб битказилди, "Спартак" стадиони қайта таъмирдан чиқарилди. Шунингдек, отчопар майдони, тоғли ҳудудда чанғи спорт тури қароргоҳи ҳамда алпинистлар учун "Ала Арча" лагери қад ростлади. Бундан ташқари вилоят марказларида спорт мактаблари ташкил этилиб, юзлаб спортчилар таҳсил ола бошлади.


Спорт ривожига қўшган ҳиссаси учун Долен Омурзаков бир неча бор ҳукумат томонидан тақдирланган. Айнан унинг саъй-ҳаракатлари сабаб Қирғиз Республикаси спортчилари спартакиада ва Москвада бўлиб ўтган олимпия ўйинларида иштирок этишга муваффақ бўлди. Ўша вақт 5 нафар қирғиз спортчисининг олтин медалларни қўлга киритиши мамлакат учун катта воқеа бўлганди.

Бир сўз билан айтганда Долен Омурзаков қирғиз спортига улкан ҳисса қўшган шахс бўлган. Шунинг учун Бишкекдаги марказий стадионга унинг номи берилган. 1989 йил вафот этган спорт ташаббускори умрининг охиригача меҳрини спорт ривожига берди, ҳатто нафақага чиққан йиллари ҳам турли спорт тадбирларига келишни канда қилмади ва шу орқали кўплаб мураббийлар билан мулоқотда бўлиб, халқ меҳрини қозонди.


Х.Холиқов

Rating: +14   

Comments

championat.asia
< show latest news
Яндекс.Метрика