Latest news

03:07Германия кубоги. "Бавария" ва "Байер"да ғалаба  0 03:02Сенсация қайд этилмади, "Рома", "Ювентус" ва "Интер"да ғалаба  0 02:54Англия лига кубоги. "Ман Сити", "Арсенал", "Ньюкасл" ва "Челси" кейинги босқичда, "Ливерпуль" эса ўз уйида йирик мағлубият қабул қилиб олди  5 02:40Лига 1. ПСЖ меҳмонда "Лорьян"ни мағлуб этолмади  0 23:58Отабек Боймуродов: "Гол ҳақида гапирсам муаммоларга дуч келаман. Улар провокация қилди"  9 23:07Камолиддин Тожиев: "Ҳозир энг бахтли инсонман"  47 22:53"Алё, реф!" финалдаги баҳсли эпизодларни таҳлил қилди   41 22:44Александр Хомяков: "Футболда ҳар доим ютавермайсиз. Менимча, офсайд йўқ эди, лекин мен эксперт эмасман"  26 21:50Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди  91 21:20"Лион" Эндрикни январда ижарага олмоқчи. "Реал" форварди бу вариантни идеал деб ҳисобламоқда  3 20:43"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди  670 18:02Ўзбекистон ўсмирлар терма жамоаси назорат баҳсида Буркина-Фасога ютқазди  29 17:33Ўзбекистон Кубоги финали. Таркиблар маълум  30 16:50Футболда тайм-аут олиб бўлмайди? Уддабурон инглизлар муаммонинг ўзига хос ечимини топишди  2 16:28"Динамо" - "Хоразм" учрашуви Тошкентда ўтказилади  11

Диёр Туропов: “Омадсиз иштирокимиз вақтинчалик ҳолат деб ўйлайман” News

Диёр Туропов: “Омадсиз иштирокимиз вақтинчалик ҳолат деб ўйлайман”

Бир неча йиллардан буён “Локомотив” жамоасида ўйнаб келаётган Диёр Туропов жорий мавсум чин манода “темирйўлчилар”нинг етакчисига айланиб улгурди.

Қанот вингери сифатида харакат қиладиган Туропов майдонда ўзини анчагина эркин хис қилиши ва индивидуал махоратини қўрқмасдан ишга солиши билан ҳам бошқалардан ажралиб туради. Суперлиганинг 4-туридан ўрин олган “Локомотив” – “Қизилқум” (1:1) учрашувида мезбонларнинг ягона голига муаллифлик қилган Диёр Туропов шу куни майдонда бошқалардан яққол ажралиб турди. Championat.asia сайтининг талқинига кўра, Диёр Суперлиганинг 4-туридан сўнг рамзий терма жамоадан ўрин олди. Шу муносабат билан Туроповга бир нечта саволлар билан мурожаат қилдик.

- Диёр, Championat.asia сайтининг талқинига кўра, рамзий терма жамоадан ўрин олдингиз. Бундай бўлишини кутганмидингиз?
- Сайтингизни доимий равишда кузатиб бораман. Албатта, ҳар бир турдан сўнг бериб бориладиган рамзий терма жамоадан кимлар ўрин эгаллагани билан ҳам қизиқаман. Тўғриси, Суперлиганинг 4-туридан ўрин олган ҳамма ўйинларни кузата олмаганим учун ҳам бу сафарги тур рамзий терма жамоасига тушишимни кутмагандим. Табиийки сайт ходимларининг бундай эътирофи мени хурсанд қилмасдан қолмади. Бунинг учун уларга миннатдорчилик билдираман. 


Coca Cola Суперлига. 4-тур рамзий терма жамоаси         


- “Қизилқум”га қарши кўрсатган ўйинингиздан қанчалик қониқиш хосил қилдингиз?
- Футбол жамоавий ўйин эканлигини ҳисобга олиб айтадиган бўлсам, тўғриси ўзимнинг харакатларимдан кўнглим тўлди дейишим нотўғри бўлади. Сабаби жамоамиз ўз майдонида дуранг қайд этди. Демак етарли даражада клубимга ёрдам бера олмадим.

- “Қизилқум” билан ўйинда биринчи бўлиб ўз дарвозаларингдан тўп ўтказиб юборгач, ўйин борасида устунликка эриша бошладинглар. Фикримизга қўшиласизми?
- Мақсадимиз ғалаба қозониш эди. Биринчи бўлиб меҳмонлар ҳисобни очгач, асосий эътиборни ҳужумга қаратдик. Эътибор берган бўлсангиз, бутун жамоа бўлиб ҳужумга отландик. Ҳисобни тенглаштиришга эришдик. Аммо ғалаба тўпини кирита олмадик. Шу куни биздан омад ҳам юз ўгирди дейиш мумкин. Бир қанча голли вазиятларни кўкка совурдик.

- Навоийликлар ҳақида қандай фикрдасиз?
- “Қизилқум” таркибида тажрибали футболчилар ўрин олганини яхши билардик. Хусусан дарвозабон Игнатий Нестеров ортда туриб, жамоадошларини бошқариб боргани уларга қўл келмоқда. 



- Бу йил “Локомотив” бир қатор эътиборга молик трансферларни амалга оширганида, кўпчилик бу жамоани чемпионлик учун курашишини таҳмин қилганди. Бироқ жамоангиз ҳозирча ғалаба қозона олмаяпти. Буни қандай изоҳлайсиз?
- Тўғри айтасиз жорий йил таркибга бир қатор етакчи ўйинчилар келиб қўшилди. Хусусан терма жамоага номзод футболчилар таклиф этилди. Аммо шунга қарамай чемпионат старти биз учун кутилганидек чиқмаяти. Менимча жамоа ўйиндан-ўйинга ўзига келмоқда. Озгина вақт керак. Таркиб деярли янгитдан тузилди десак ҳам бўлади. Омадсизлик вақтинчалик холат деб ўйлайман. Чемпионат ҳали узоқ вақт давом этади. Шунинг учун медаллар учун курашдан “Локомотив”ни четга чиқариш нотўғри бўлади. Ҳали ҳаммаси яхши бўлишига ишонаман.

- Португалиялик мураббийдан ҳам кўп нарса кутгандик. Аммо натижа ижобий бўлмагач, Секейра бўйича таассурот ҳам салбий кўриниш олмоқда. Шахсан сиз европалик мутахассис ҳақида нима дейсиз?
- Секейра ўзбек футболида дастлабки мавсумни ўтказмоқда. Унга ҳам тўлиқ мослашиб кетиши учун барибир вақт керак бўлади. Мураббийнинг машғулот ўтказиш жараёни юқори суратда ташкил этилмоқда. Ўйинларга ҳам ажойиб тарзда тайёрлайди. Мураббий томонидан берилган кўрсатмаларни майдонда қанчалик бажариш эса футболчиларга боғлиқдир. Шунинг учун муваффақиятсиз иштирокимизда биргина бош мураббийни айбдор сифатида кўрсатиш яхши эмас.

Rating: -2   

Comments

championat.asia
< show latest news
Яндекс.Метрика