Latest news

17:01Бабаян терма жамоадан нега "чопгани", футболни ким сабаб тугатгани ҳақида - Санжар Турсунов  0 16:47Суперлига-2025. Энг қиммат легионерлар ТОП-10  3 16:33Мбаппе, Куртуа ва Валверде "Реал"нинг бугунги ўйинини ўтказиб юборади  1 16:03U-20 Осиё кубоги. Ўзбекистонни мағлуб этган Корея Республикаси пенальтилар сериясида ютқазди ва финалга чиқа олмади  5 15:51Бир йилда 31та ўйин! Хулоса: Яман ва Индозенияни ютдик, Эрон ва Кореяга ютқаздик  8 15:44"Ман Сити" ёзда хавбек ва ўнг қанот ҳимоячисини сотиб олмоқчи. Клубга Камбьязо ва Ливраменто қизиқ  0 15:20"Пахтакор" спорт директори: "Клуб Холдорхоновни сотди, лекин..."  4 14:49Равшан Эрматов: "Осиё кубогининг энг муҳим ўйинларини қабул қилиш учун 40-50 минг кишилик стадионлар талаб этилади. Биз бу масалада бир қанча лойиҳаларни кўриб чиқяпмиз"  8 14:38Ўзбекистон кубоги. Финал мезбонлиги уч стадиондан бирига насиб қилади  9 14:06«Атлетико» президенти: «ВАР яхши ҳакамликни ўлдирди»  5 13:30Пау Кубарси 12 йил ичида «Барселона» ҳимоячилари орасида энг ёш гол муаллифига айланди  3 13:00Жароҳатлардан азият чеккан, мусулмон немис билан бир хонада яшаган ва буюмларини "ўғирлатадиган" ОКМКнинг япониялик легионери билан яқиндан танишамиз  0 12:42Моуринью «Галатасарой» - «Фенербаҳче» ўйинидан кейин ҳакамлар хонасида бўлиб ўтган суҳбат тафсилотларини ошкор этди  0 12:01Неймар ёзда «Барса»га қайтиши мумкин, Захавининг агенти каталонияликлар раҳбариятини кўндиришга уринмоқда. Флик ва унинг штаби мутлақо қарши  13 11:39«Ливерпуль» 30 ёшли Робертсонга «Ньюкасл» футболчисини ўринбосар сифатида кўрмоқда  1

Диёр Раҳимқуловнинг хотирасига бағишланган ФОТОМАҚОЛА News

Диёр Раҳимқуловнинг хотирасига бағишланган ФОТОМАҚОЛА

Хабарингиз бор, ўзбекистонлик 19 ёшли футболчи Диёр Раҳимқулов 2021 йил 11 декабрь куни автоҳалокатда вафот этган эди.

Кеча "Championat.asia"нинг ютуб платформасида раҳматли Диёрнинг ёрқин хотирасига бағишланган видео чиқди. Унда сайтимиз бош муҳаррири Нарзулла Сайдуллаев Диёрнинг биринчи мураббийи Сергей Чигодаев, Ўзбекистон ОТЖ бош мураббийи Тимур Кападзе, унинг дўстлари Жасур Жалолиддинов, Отабек Жўрақўзиев, Абубакр Ризо Турдиалиев, Фарруҳбек Мухторов ва Абдурауф Бўриевлар билан суҳбатлашган. Ана шу видеони кечадан бери бир неча бор кўриб чиқдим. Ҳар гал видео давомида кўзга ёш келмоқда. Ажойиб иқтидорларимиздан бири орамизда энди йўқ. Унинг ажойиб дўстлари борлигига амин бўлишингиз мумкин. Жамоадаги йигитларнинг ўзаро бундай аҳиллиги таҳсинга лойиқ. Олимпия терма жамоамиз 2022 йил Тошкентда ўтадиган U-23 Осиё чемпионатида ғолиб чиқмоқчи ва олтин медални Раҳимқуловнинг ота-онасига олиб боришмоқчилигини айтиб ўтишди. Ушбу терма жамоамизга бундай ортиқ мотивация беролмайсиз. Бу воқелик уларга доимо қўшимча куч бериб туради. Диёрнинг дўстлари қадрдонлари учун ҳам ҳаракат қилишларини такидлашди. Жуда ҳам таъсирли гаплар...

Бугун ЎФА ва ПФЛнинг йил якунларига бағишланган энг яхшиларни тақдирлаш маросими бўлиб ўтади. Очиғи, бугун ана шу тадбир давомида Диёр Раҳимқуловни ҳам ёдга олиб ўтишларини кутяпман. Зеро, у ортда қолган мавсум ПФЛ ўтказадиган Суперлигада 20та ўйин ўтказиб биттадан гол урган ва голли пас берганди. Октябрь ойининг охири ва ноябрь ойининг бошида Тошкентда ўтказилган U-23 Осиё чемпионати саралашида эса Тимур Кападзе бошчилигидаги Ўзбекистон U-21 терма жамоаси таркибида ҳар уччала турда ҳам майдонга тушган ва битта гол ҳам урганди.

Ушбу видеони тайёрлаш ғоясини илгари сурган ва уни ўзи амалга оширган Нарзуллага ҳам миннатдорчилик билидириб кетишни лозим топдим. Видеони қайта-қайта кўриб Диёржоннинг U-23 Осиё чемпионати саралаши доирасидаги учта ўйинидан ўзим олган суратларни битта саҳифада ўқувчиларга тақдим этишни лозим топдим. Бу йигит профессионал фаолиятини бошлаганига бор йўғи бир йил бўлганди. Шу сабаб, суратлари кўп эмас. Тимур Кападзе жамоасидаги 3 беллашувдаги суратлар билан Диёрни яна бир бор ёдга оламиз. Дастлаб суратларни оқ-қора қилиб беришни ўйладим. Аммо, унинг ёрқин хотирасини эслаш учун расмларни оқ-қора қилмасликка қарор қилдим. Ҳамма суратлар рангли ҳолатида, борича тақдим этилади...

Тимур Кападзе Тошкентда ўтадиган U-23 Осиё чемпионатида ғалаба қозонишни ва олтин медални Диёрнинг ота-онасига олиб боришни ният қилдик деб айтиб ўтди.


Диёр Раҳимқулов U-23 терма жамоасида 20-рақамда тўп тепганди.


Диёр "подкат" билан тўпни рақибдан олиб қўяётган вазият.

Диёржон бутсасининг иплари бўшаб кетган дарвозадаги жамоадоши Ҳамидулло Абдунабиевга ёрдамлашмоқда. Яхши шерик, ажойиб дўст...


Жасур Жалолиддиновнинг пасидан кейин гол урган Диёрнинг қувончи.


Икки дўст Жалолиддиновнинг жаримадан киритган голини нишонлаётган лаҳза...


Доим табассум қилиб юрадиган ўзбек ўғлони бугун орамизда йўқ...


Диёр Раҳимқулов Бангладешга қарши ўйинда бир неча дақиқа майдонда жамоа сардори бўлиб ўйнашга ҳам улгурганди.


Шунча дўстлари ва мураббийлари фақат мақтаб ўтган Диёрни тарбия қилиб вояга етказган ота-онасига раҳмат!


Диёрнинг "Андижон"даги суратларидан ҳам қўйишни лозим топдим. "Андижон"даги расмлари муаллифи - Жаҳонгир Файзуллаев.


"Бунёдкор" академиясида Диёр Раҳимқулов (20), Отабек Жўрақўзиев (11) ва Жасур Жалолиддинов (10)лар битта хонада яшаган. Қадрдон дўстлар голни бирга нишонлашаётган кадр.


Диёр икки қадрдон дўстини ташлаб боқий ҳаёт сари кетди...


Аллоҳ раҳматига олган бўлсин! Яқинларинг билан жаннатларда дийдорлашиш насиб этсин!

Author : Tolibjon Qosimov
Rating: +23   

Comments

championat.asia
< show latest news
Яндекс.Метрика