Диёр Имомхўжаевдан: Эсиз 9 йил…

Чемпионатнинг қуйи лигасида ўнталикка аранг кирадиган жамоа илдизи бақувват бўлгани учун ҳам спорт принциплари индамайгина бир четга чиқиб қолганини кўпчилик эслайди. Биргина оғзаки буйруқ билан ўша вақтларда “ОТМК” деб юритиладиган жамоа ўзини элитада кўрганди.

Бугун ўша воқеага тўққиз йил тўлган. Ҳар холда қарор эгалари уялиб қолмади. Йил бўйи лигада жон сақлаб қолиш учуш кураш олиб борадиган жамоалардан фарқли ўлароқ, “Олмалиқ” навбатдаги “Металлург”га айланди. Ўхшатиш учун ҳеч кимдан узр сўрамайман, ҳомийси бошқа-бошқа бўлгани билан бу клубларнинг мақсад ва вазифасида катта фарқ пайқамаганман. Истаса ҳар қандай рақибидан очко олади, истамаса улашиб юборишда ҳам беназир.

Шунга қарамай битта ҳақиқатни доим тан олганман, “Олмалиқ” ва “Металлург”дек бўлиш учун ҳам катта тажриба керак. Водий клубларининг Олий Лигада аранг юрадиган жамоалари сарф этаётган пул буларникидан кўпроқ. Аммо натижаси яхши эмас. Рустам Мирсодиқов ва Игорь Шквирин фаолияти мана шу важдан олиб қараганда ҳам менга ёқиб келган, яширмайман. Ҳар холда, йўқдан бор қилишга ҳаракат қиладиган мураббийлар.

Бугун Игорь Шквирин ўша “Олмалиқ”дан кетадиган бўлиб турибди. Аслида бу оддий ҳол, ҳеч ким ҳеч қайси клубда боғлаб қўйилмаган. Ҳатто Саркисяндек одамни ҳам “Нефтчи”дан олишган. Бироқ қандай қилиб деган савол ўртага ташланганида, биздаги принциплар ҳар қандай кишининг ҳафсаласини пир қилади. 9 йил давомида “Олмалиқ” учун меҳнат қилган Игорь Шквиринни ҳам деярли Саркисянникидек тақдир қарши олгандек, менга шундай туюлди.

“Шайтанат” фильмидаги бир воқеани эслаб ўтаман... мақоланинг қолган қисмини "Эрудит Спорт" сайтида ўқиш мумкин.