«Динамо» легионер футболчиси билан шартномани узайтирди

«Динамо» жамоаси бразилиялик ярим ҳимоячи Журани Франсиско Феррейра ёхуд Ратиньо билан амалдаги келишувни расман узайтирди.

Самарқанд клуби ва бразилиялик ярим ҳимоячи ўртасидаги келишув 2025 йил якунига қадар узайтирилди. Амалдаги шартнома 2024 йил якунигача эди. 

Ратиньо мавсум бошида жамоамиз сафига қўшилиб, тез фурсатда ўз ўйинлари билан мухлис ва мутахассислар эътиборига тушди. Энди у камида келаси йилда ҳам жамоамиз шарафини ҳимоя қилади!

Маълумот учун, 27 ёшли таянч ярим ҳимоячиси жорий мавсум Суперлигада 14 ўйинда 2та голга муаллифлик қилган.