"Динамо": "Косонсой" ва "Хотира-79"га қарши ўйинлар қолдирилди

Чемпионат доирасида 3 сентябрь куни 23-тур доирасида Косонсойда бўлиб ўтиши лозим бўлган «Косонсой» - «Динамо» учрашуви ҳамда 6 сентябрь куни бўлиб ўтиши керак бўлган 24-тур доирасидаги «Хотира-79» - «Динамо» баҳси ҳам маълум сабабларга кўра қолдирилди. Жамоамиз 3 сентябрь куни водийдаги сафардан Самарқандга қайтиб келди. Бу баҳсларнинг қайси санага кўчирилгани ҳозирча маълум эмас. Шунингдек, 23-24-тур доирасидаги барча ўйинлар номаълум муддатга қолдирилган.

Энди «Динамо» жамоаси 25-турда ҳам дам олиб, 26-турда 15 сентябрь куни Самарқандда «Зомин» жамоасини қабул қилади.