Дилявер Ваниев: "Жамоамизда 2 нафар тенг кучли дарвозабоннинг борлиги хурсанд қилади"
13 mar 2022 20:46
News

Дилявер Ваниев: "Жамоамизда 2 нафар тенг кучли дарвозабоннинг борлиги хурсанд қилади"

Про лиганинг 2-туридан ўрин олган "Машъал" - "Зомин" (2:0) учрашувидан сўнг муборакликлар устози Дилявер Ваниев матбуот анжумани журналистларнинг саволларига жавоб бериб ўтди.

"Мавсумдаги илк уй учрашувимиз эди. Сифатли футбол кўрсатишга ҳаракат қилдик. Лекин рақиб ҳам футбол ўйнашни биладиган жамоа. Жуда қийин ўйин бўлди. Майдонда тенглик кузатилди, дея оламан. "Зомин" жуда яхши ўйин намойиш қилди"

- Равшан Ягудин бугун бир нечта вазиятларда яхши ҳаракат қилди. Унинг жамоага келиши қандай юз берди?

- Равшан Ягудин ўтган мавсумни "Бунёдкор"да ўтказди. У оёқда яхши ўйнайди. Мураббийлар штаби билан келишиб бугун Ягудинни туширишга қарор қилдик. Бизда 2 нафар тенг кучли дарвозабоннинг борлиги хурсанд қилади.

- Худоёрхон Сагдуллаев захирада қолаётгани сабаби нима?

- Тактик режалар билан боғлиқ. У захирадан тушиб ҳам ишонч билан ўйнай олади.

- Жамоа легионерлар олмади. Бу Про лигага тушиб кетганинглар билан боғлиқми?

- Бир нафар хорижлик футболчини олишга ҳаракат қилдик. Лекин унга виза бермаяпти.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2