Дилшод Раҳматов: “Биз фақат мухлислар учун ғалаба қозонамиз”

-  Суҳбатимиз аввалида Қирғизистон терма жамоасига қарши ўйин ҳақида икки оғиз гапириб ўтсангиз.
-  Қирғизистон терма жамоасини жуда яхши билардик. Улар билан бир неча бор тўқнаш келганмиз. Бизга мураббийларимиз керакли кўрсатмаларни беришганди. Биринчи бўлим бошида жамоалар бир бирини ўрганишди. Уларнинг хатолари туфайли биз иккита гол уришга эришдик. Ғалабамизга мухлисларнинг катта ҳиссаси бор.

-  Бугинги ўйин ҳақида қандай фикр билдирасиз?
-  Биз гуруҳда биринчи ўйинни олдик. Ливан терма жамоаси Ўзбекистон биринчи ўринни эгаллаб кейинги босқич масаласини ҳал қилди, буган бизга қарши кучли ўйин намойиш этмайди деб ўйлашса керак. Аммо биз фақат ғалаба учун майдонга тушамиз.

-  Мухлисларимизга тилакларингиз.
-  Мухлисларимиз келиб бизни қўллаб – қувватлаб туришса биз албатта уларга ғалабаларимизни тақдим этамиз.  


Жаҳонгир Сотволдиев суҳбатлашди.