Latest news

19:15Меҳди Тареми Эрон термаси ихтиёрини тарк этди, у янги жамоаси билан шартнома имзолайди  0 19:05АПЛ. "Брайтон" - "Манчестер Сити" 0:1 (матнли трансляция)  11 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  5 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1

Дилшод Нуралиев: “Шўртан”ни мағлуб этганимиздан хурсандмиз” News

Дилшод Нуралиев: “Шўртан”ни мағлуб этганимиздан хурсандмиз”

Кеча бўлиб ўтган “Пахтакор-2” - “Шўртан” баҳсида "пахтакорчилар" 2:1 ҳисобида ғалаба қозонишди.
Яхши биласиз, “Шўртан” олий лигага чиқиш учун асосий даъвогар ҳисобланади. Шундай экан, бу жамоага қарши майдонга тушиш футболчилар учун ўзига яраша қизиқ бўлди. Ўйин якунига етгач, жамоа бош мураббийи Дилшод Нуралиевдан интервью олдик.

-   Дилшод ака, ғалаба муборак бўлсин! Ўйин ҳақида нима дея оласиз?

-   Бугун биринчи лига пешқадамига қарши майдонга тушдик. Футболчиларимиз рақиб ўйинчиларига нисбатан бирмунча ёш бўлишига қарамай, қўрқмасдан ҳаракат қилишди. Қолаверса, тактик кўрсатмаларимни ҳам тўғри бажаришгани учун ўйинчиларга раҳмат айтмоқчиман. “Шўртан” футболчиларининг қандай кучга эгалиги менга маълум эди. Уларда олий лига ҳавосини кўрган футболчилар кўп. Шу боис шогирдларимга эҳтиёт бўлиб ўйнаш кераклигини уқтирдим. Биринчи таймда иккита ҳужумимиз омадли чиқиб гол уришга муваффақ бўлдик. Рақибда эса айтарли имконият юзага келмади. Аммо танаффусдан кейин рақиб анча жонланди, натижада қарши ҳужумда ўйнашга мажбур бўлдик.

-   Нимадир сизни қониқтирмадими?
-   Негадир захирадан тушган футболчилар ўйинни у қадар кучайтира олишмади. Бу эса мени ҳайрон қолдирди.

-   “Шўртан” олий лигага чиқиш учун асосий даъвогарлардан бири. Рақиб мисолида ўз жамоангиз кучини ҳам кўриб олдингиз тўғрими?
-   Мен ўйиндан олдин футболчиларга айтдим: “Шўртан” биринчи лига клуби эмас, улар олий лига жамоаси, шунга яраша яхшироқ ўйнанглар. Тўғрисини айтсам, жисмоний ва тактик томонлама “Шўртан”нинг биздан яққол устун жиҳатларини кўрмадим. Лекин шунга қарамай, уларни кучли дея оламан.

-   “Шўртан” рақибни менсимай майдонга тушдими?
-   Тўғрисини айтсам, биринчи таймда менга ҳам шунақа туюлди. Улар ёш болалар билан ўйнаяпмиз, бемалол ютамиз деган хаёлда ўйинга чиққан бўлса ажаб эмас. Футболда диққатни ҳар доим бир ерга жамлаш керак бўлади.

-   Жамоангиз олдига қандай мақсад қўйилган?
-   Биз фарм-клубмиз, олий лига чиқиш вазифасини қўя олмаймиз. Шундай экан, мақсадимиз “Пахтакор” асосий таркиби ва ўринбосарларига футболчи етказиб бериш. Шунингдек, 1995-96 йилда туғилган футболчилардан иборат Ўзбекистон ёшлар терма жамоасида Жамшид Болтабоев, Жавоҳир Сиддиқов, Иброҳим Абдуллаев каби футболчиларимиз чақирилмоқда. Бу ҳам бизни хурсанд қилмасдан қўймайди. Чунки терма жамоалар ҳаммамиз учун бирламчи ҳисобланади.
Rating:    

Comments

championat.asia
< show latest news
Яндекс.Метрика