Диего Милито фаолиятини якунламоқда

"Либертадорес кубогидаги иштирокдан кейин бутсамни михга иламан. Футбол билан ҳайрлашиш осон бўлмайди. Мен бутун умримни футболга бағишлагандим. "Расинг" клуби президенти мени бу қароримдан хабардор. Агарда жамоамиз турнирда ярим финалга қадар етиб борса бундан хурсанд бўлардим. Мусобақани сўнггига қадар жамоамга ёрдам бераман. Лекин шундан сўнг фаолиятимни якунлайман", - дейди Милито.

Диего Милито фаолияти давомида «Расинг» (Авельянеда), «Женоа», «Сарагоса» ва «Интер» жамоаларида тўп сурган.

Милито ўз вақтида "Интер" билан 2010 йилда ЕЧЛда бош совринни қўлга киритишга муваффақ бўлган. Айнан ушбу футболчининг "Бавария" дарвозасига йўллаган голлари якунда "Интер"га бош совринни олиб келганди.