Дибала "Ювентус"да афсонавий рақамда ўйнайди ФОТО

Пауло Дибала 21-рақамни 10-рақамга алмаштирадиган бўлди.

"Ювентус" клуби афсонавий 10-рақамни Дибалага беришга қарор қилди.

"Ювентус" учун ушбу рақам алоҳида аҳамият касб этади.

Чунки ушбу рақамда Алессандро Дель Пьеро бир неча йиллар муваффақиятли тўп тепган ва бу рақам туринлик мухлислар учун ҳам жуда қадрли саналади.

Дель Пьеродан кейин ушбу рақамда бир муддат Тевес ва Погба ўйнаганди. Эндиликда ушбу рақам Пауло Дибалага тақдим этилди.

Алессандро Дель Пьеро Дибалани 10-рақамни олгани билан табриклади ва унга ушбу рақамда омад тилади.

"Ювентус" афсонаси ўз твиттерида: "Пауло, омад сенга. Бу рақамни масъулиятини ҳис эт ва "Ювентус" мухлисларини доим қувонтир. Ёрқин ўйинларинг билан бизни хурсанд қил", - деб ёзади Алессандро Дель Пьеро.

Пауло Дибала ҳам унга ташаккур билдиришни унутмади. "Мен учун бу рақамда ўйнаш жуда катта фахр. Бунинг учун Алессандро Дель Пьерога ташаккур билдираман. 10-рақам билан рақибларни гол билан сийлаш янада завқли ҳамда чиройли бўлади", - деб ёзади Пауло Дибала.