Ди Мария ЖЧ-2022 дан кейин Аргентина терма жамоасидаги фаолиятини якунлашини маълум қилди

"Жаҳон чемпионатидан кейин терма жамоани тарк этиш вақти келади. Аста-секин жаҳон даражасига чиқаётган, ўзини кўрсатишга тайёр йигитлар кўп. Қатардаги жаҳон чемпионатидан сўнг мен четга чиқаман", – деди Ди Мария.

34 ёшли Ди Мария Аргентина терма жамоасида 2008 йилнинг сентябрида дебют қилган. У жамоа билан биргаликда 2021 йилда Америка Кубогини қўлга киритди. 

Аргентина терма жамоаси сафида 121 та ўйинда майдонга тушиб, 24 та гол урган ва худди шунча голли узатмани амалга оширган.