Ди Франческо “Рома” бош мураббийи этиб тайинланди

47 ёшли италиялик мутахассис Эусебио Ди Франческо жамоа билан 2019 йилгача шартнома имзолади.

Ўтган йили ушбу мураббий қўл остида “Сассуоло” клуби Лига Европа йўлланмасини қўлга киритган эди.

Таъкидлаш жоизки, Ди Францческо футболчилик фаолиятини тўрт йилини (1997-2001) айнан “Рома”да ўтказган эди.

“Рома”га қайтишимдан бахтлиман. Бу клуб мен учун катта аҳамиятга эга. Менга ушбу имкониятни тақдим этган жамоа президенти Паллотте  ва бошқа раҳбарлардан миннатдорман.

Жамоа барча кутаётган натижани қайд этиши учун бор кучимни аямайман” ,деди Ди Франческо.