Дэвид Мойес: “Вазифамиз қийин эди, аммо биз вазиятлардан унумли фойдаландик”

“Бизнинг вазифамиз қийин эканлигини билардик. Аммо биз гол киритиш учун имконият бўлиши билан ундан самарали фойдалана олдик. Гол уриб олгач эса, ўз кучимизга бўлган ишонч анча ўсди.

Фаолиятим давомида қўл остимдаги жамоа биринчи бўлимда 4:0 ҳисобида олдинга чиқиб олган ҳолат камдан кам содир бўлган. Балки умуман бундай ҳолат бўлмагандир ҳам. Биз шунчаки иккинчи бўлимдаги каби эътиборсизликка йўл қўймаслигимиз лозим: мезбонлар иккинчи бўлимда икки марта қарши ҳужумда бизни жазолашлари мумкин эди.

Биз уч очкони қўлга киритдик ва ўзимизга бўлган ишончни ортирдик. Агар мағлуб бўлганимизда, вазифамиз янада қийинлашарди. Биз ҳар бир учрашувда ғалаба қозонишимиз шарт”, дейди Мойес.