Дешамга янги шартнома таклиф қилинади
13 oct 2019 09:31
News

Дешамга янги шартнома таклиф қилинади

Франция футбол федерацияси (ФФФ) терма жамоа бош мураббийи Дидье Дешамнинг фаолиятидан қониқиш ҳосил қилмоқда.

Шу боис мутахассис яна икки йил мобайнида амалдаги жаҳон чемпионларини бошқариши мумкин, дея хабар бермоқда L’Equipe нашри.

Маълум бўлишича, Франция терма жамоаси Евро-2020 баҳсларига йўлланмани қўлга киритиши билан ФФФ раҳбари Ноэль ле Гре мураббийга амалдаги шартномасини яна икки йилга узайтириш учун шартнома таклиф қилади.

Франция терма жамоаси айни пайтда ўз гуруҳида 18 очко тўплаб пешқадамлик қилмоқда. 11 октябрь куни Дешам жамоаси сафарда Исландияни (1:0) таслим этди. Уч ранглилар саралаш босқичи доирасида навбатдаги учрашувни 14 октябрь куни Туркияга қарши ўтказади.

Link :

Source : L’Equipe

Receive latest football news directly on your phone. Subscribe for our Telegram channel!

Rating: +2