Депай "Барселона"да келишилгандан кўра 30% камроқ маош олади

Goal.com нашрининг билдиришича, 27 ёшли ҳужумчи "Барселона"да дастлабки келишувдан анчагина кам маош олади. Бу қарор "Барселона"нинг молиявий қийинчиликлари фонида юз берди.

Депайнинг дастлабки маоши 7 млн евро ва бонуслардан иборат эди. "Барселона" эса молиявий қийинчилик туфайли ҳужумчига фақатгина 5 млн евро миқдорида маош тўлай олади. 

Депай ушбу қарорни клуб учун ёрдам сифатида қабул қилган. Маълумотларга қараганда, яқиндагина клубга келиб қўшилган Эрик Гарсия ҳам маоши қисқаришига рози бўлган.

Эслатиб ўтамиз, "Барселона" Депайнинг трансферини 19 июнь куни эълон қилганди.