Де Йонг: "Мессининг "Барселона"да қолишини хоҳлардим"

"Мен Мессининг биз билан қолишини хоҳлардим. Аммо мен ҳар қанақасига бу вазиятга таъсир кўрсата олмайман. У келажаги борасида ўзи қарор қабул қилиши керак.

Месси - "Барселона"га ўтишимдаги сабаблардан бири. Асосий сабаб эмас, аммо улардан бири. У кетма-кет 15 йилдан бери энг яхши ўйинчи ҳисобланади.

Мен атиги 12 ёш бўлганимда, Лионель энг зўри эди, ҳеч нарса ўзгармаган. У, Пике ва Бускетс билан бир жамоада ўйнаш ажойиб", - дейди нидерландиялик ярим ҳимоячи.

Эслатиб ўтамиз, Мессининг "Барселона" билан тузган шартномаси жорий мавсумнинг сўнггига қадар мўлжалланган.