Де Йонг "Барселона"дан "Манчестер Юнайтед"га эҳтимолий ўтиши ҳақидаги саволга жавоб берди

"Орзуимдаги клуб бўлмиш "Барселона"даман. АПЛга ўтиш менга янги импульс берадими? Балки. Аммо, "Барса"да жуда мамнунман. Кетиш ҳақидаги саволга жавоб бериш доим қийин. Ҳозирча менга шу ер яхши!", — дея жавоб берди де Йонг.

Эслатиб ўтамиз, олдинроқ "Барселона" спорт директори Декунинг Френки де Йонгнинг касаллик сабаб "Антверпен"га қарши ўйинга жамоа билан бора олмаслигини айтган гапига ишонмагани хабар қилинган эди. Нидерландиялик футболчининг агенти кейинроқ ушбу миш-мишларни рад этди.

Де Йонг жорий мавсум барча мусобақаларда 11та ўйинда майдонга тушиб, 1та гол уришга эришди.