Даврон Исоқов: "Бизга тажрибасизлик панд берди"

- Ўйин ҳақида

- Тўғриси, бугун бизга тажрибасизлик панд берди. Жамоамиз нисбатан ёш ва яратилган вазиятларда совуққонлик етишмаяпти. Ўйин томонлама "Бухоро"дан асло қолишганимиз йўқ. Тенгма-тенг ўйнадик, гол уриш учун қулай вазиятларга ҳам эга бўлдик. Аммо бугун икки очко йўқотдик. 

- Ўтказилган икки ўйин хусусида

- Чемпионатнинг дастлабки икки турида "Турон" ва "Бухоро"га қарши ўйнадик. Иккиси ҳам анча кучли ва ўз олдига мақсад қўйган. Лекин жамоамиз мураббийлар штаби мазкур баҳсларга астойдил тайёрлаганди. Афсуски, тажрибасизлик сабаб вазиятларимиздан фойдалана олмадик. Айниқса, “Бухоро” дарвозасини ишғол қилиш учун етарли имконият бўлди. Омад ҳам етишмади. 

- "Бухоро" ҳақида

- Уларда ҳаммаси яхши. Жамоага тажрибали футболчилар келган. Чемпионатни қай тариқа ўтказишини вақт кўрсатади. 

- "Шўртан"га келиши ва "Нефтчи"га ўтиши амалга ошмагани борасида

- Бу ерга мени бош мураббий Асрор Алиқулов таклиф қилди. 

Қирғизистон клуби билан оғзаки келишиб қўйгандик. Жамоа машғулотларида бир ҳафта давомида иштирок этдим. Лекин бизнинг футбол улардан анча устун экан. Мослашишда ҳам қийинчиликка дуч келдим. Шу томонларини яхшилаб ўйлаб кўрган ҳолда ортга қайтишга қарор қилдим.