Latest news

02:10ЕЧЛ. "Бавария", "Ливерпуль" ва "Челси"да йирик ғалаба. "Тоттенхэм" "Монако" билан дуранг ўйнади  7 01:55ЕЧЛ. Беллингемнинг ягона голи "Реал Мадрид"га "Ювентус" устидан ғалаба тақдим этди  22 00:39ЕЧЛ. "Қорабоғ" ушбу мавсум турнирдаги илк мағлубиятини "Атлетик"дан қабул қилиб олди. "Галасарой" эса йирик ҳисобда зафар қучди  1 00:30Туркия. "Истанбул Башакшеҳир" "Ризеспор" билан дуранг ўйнади. Шомуродов тўлиқ ўйнади, Алиқулов ва Файзуллаев эса...  8 00:20Максим Шацких: "Икки очко йўқотдик. Рақиб дурангни нишонлади"  6 23:04ОЧЛ 2. "Аркадағ" Қатарда "Ал Аҳли"га қарши камбэк амалга ошириб, мағлубиятдан қутилиб қолди. "Андижон"нинг гуруҳидаги вазият қизиқарли тус олмоқда  9 22:24Ўзбекистон термаси бош мураббийи Фабио Каннаваро "Реал" – "Ювентус" ўйинида стадиондан туриб экспертлик қилади  16 22:05Али Ашур: "Андижон" бугун жуда кўп югурди, улар ўз мухлислари учун жанг қилишди. Баъзида бундай энергияга қарши курашиб бўлмайди"  7 21:33Ла Лигада ой ўйинчиси бўлиш учун номзодлар эълон қилинди  3 21:01ОЧЛ 2. "Ал Насср" Ҳиндистонда "Гоа" устидан ғалаба қозонди  6 20:39ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"  123 20:23Алаба "Реал"дан янги шартнома хоҳламоқда, клуб эса йўқ  1 19:46Каррагер: "Арсенал" - ЕЧЛни ютиши мумкин бўлган 4–5 клубдан бири"  0 19:15Ньом Винисиусни юзига ургани учун 2 та ўйинга четлатилди  1 18:24ЖЧ-2026. Осиёда бешинчи саралаш босқичи ўйинларининг саналари маълум бўлди  14

Даврон Файзиев: "Сингапурни аутсайдерлар қаторига қўшишингиз мумкин, аммо..." News

Даврон Файзиев: "Сингапурни аутсайдерлар қаторига қўшишингиз мумкин, аммо..."

Таниқли шарҳловчи, ЎФА матбуот ва медиа департаменти раҳбари Даврон Файзиев Сингапурга қарши баҳсдан олдин ушбу учрашув ҳақида сайтимизга кичик интервью берди.

- Ўзбекистон терма жамоасини қийин баҳс кутиб турибди. Биринчи турдаги мағлубият сабаб энди очко йўқотмаслик керак. Сингапурга қарши баҳс қандай кечади деб ўйлаяпсиз?

- Биринчи навбатда хоҳлардимики, футболчилар 5:0 ҳисобидаги ғалабадан сўнг худди Яманга қарши баҳс бўлмагандек, аввалги кайфият билан майдонга тушишсин. Чунки Сингапур авваллари кучли жамоа бўлмагани сабаб футболчиларни бироз чалғитиб қўйиши мумкин, бироқ Вадим Абрамовнинг кучли жиҳатини ҳамма яхши билади. У футболчиларнинг рухиятига кучли таъсир кўрсатади. Сингапурни аутсайдерлар қаторига қўшишингиз мумкин, аммо аслида жамоа нормал даражада ўйнаяпти. Вадим Абрамов йигитларни рухан тўғри ёндоштира олиши керак.

- Сингапур дастлабки иккита турда 2тадан гол уришга муваффақ бўлди. Рақибнинг ўйини ҳақида нима дея оласиз?

- Уларнинг ўйинини чуқур таҳлил қилиб бера олмайман, чунки Сингапурнинг баҳсларини мунтазам томоша қилаётганим йўқ. Бунинг устига битта-иккита ўйиндан хулоса чиқариб бўлмайди. Бу аввалги Сингапур эмас. Аслида мамлакатнинг ўзига назар ташласак, улар максимал даражада юқорига интилишмоқда. Технология, интизом, замонавийлик... Худди шу нарсани футболда кўряпмиз. Янгича ёндашув, замонавий жамоа. Тўғри бу ерда талантлар кўп эмас, бироқ улар ён-атрофдаги иқтидорларни излаб топиб, тарбиялашмоқда. Ҳозирги кунда жамоа замонавий ва тартибли кўринишга келган. Бироқ Ўзбекистон даража жиҳатдан кучли ва навбатдаги баҳсда шу даражани кўрсатиб бериши керак.

- Ўзбекистон футбол ассоциацияси терма жамоа учун чартер рейс ташкил қилди. Бундан наф борми?

- Агарда шу чартер рейс бўлмаганда Сингапурга 7 соатда эмас, тахминан 13-14 соатда етиб келган бўлардик. Тикланиш ва шунга ўхшаш жараёнлар қийин кечган бўларди. Чартерда эса футболчилар дам олиб, ухлаб, эркин келишмоқда.

- Абрамов ҳақида тўхталсак. Унинг услубини тажовузкор дея оласизми?

- Тажовузкормаску... Тажовузкор деганда кўз олдимга "Атлетико" келади. Умуман бўшлиқ қолдирмайдиган, кескин ўйнайдиган жамоа. "Сити"? "Шаҳарликлар"ни фақат ҳужумда тажовузкор дейиш мумкин, бироқ инглизлар ва Абрамов жамоаси Мадрид клуби каби суякка-суяк ўйнамайди. "Атлетико" прессинг ва тўпни эгаллашда ҳам жуда фаол. 

- Ўзбекистон терма жамоаси футболчилари билан бирга Сингапурга учяпсиз. Йигитларнинг кайфияти ҳақида нима дея оласиз?

- Кайфият тушкун эмас, бироқ хаддан ташқари ишонч ҳам зарарга ишлаши мумкин. Умид қиламанки бу нарса йўқ. Вадим Абрамов бу ҳақида матбуот анжуманида гапирган эди. Футболчиларга ҳам айтганига ишончим комил. Сингапур Яманга нисбатан тартиблироқ, бунинг устига тропик иқлимда ўйналади. Бу жамоага жиддий тайёргарлик кўриш керак.

- Сўнгги савол. Самолётда учишдан қўрқасизми. Ҳозиргина камарни тақиб олганингизга шу саволни беришга қарор қилдим.

- Шунчаки камар тақиш кераклигини кўрсатувчи чироқ ёнди (кулиб). Мен ҳам Сингапур каби тартибли бўлишга ҳаракат қиляпман, бунинг устига қўниш вақти бўлди. Бу пайтда камарларни тақиш лозим. Умуман олганда самолётдан умуман қўрқмайдиган инсонни учратмаганману, қўрқиш даражам бошқаларникидан баланд эмас дея оламан. Хотиржамман.

Rating: +95   

Comments

championat.asia
< show latest news
Яндекс.Метрика