Даврон Файзиев: "Насаф" бугун ҳаққоний ғалабага эришди"
31 mar 2017 07:58
News

Даврон Файзиев: "Насаф" бугун ҳаққоний ғалабага эришди"

"Насаф"-"Сўғдиёна" (4:0) учрашувидан кейин "Сўғдиёна" жамоаси бош мураббийи Даврон Файзиев ҳам ўйин ҳақидаги фикрларини билдирди.

- "Насаф" каби жамоалар биздек рақибларнинг хатосини ҳеч қачон кечирмайди. Бугун ўз жамоамни таний олмадим. Ўйинда фақат бир жамоа кўринди. Бу ҳам бўлса "Насаф" жамоаси. Бугун хатолар кўпайиб кетди. Хатолар устида кўп ишлашимиз керак. Мен учрашувдан аввал шогирдларимга қўрқмасдан ўйнашни таъкидлаган эдим. "Насаф" бугун ҳаққоний ғалабага эришди. Уларни табриклайман.

Аввалги учрашувларда Мамадалиев ва Қобиловнинг ҳаракатлари маъқул келгани боис бугун уларни таркибга киритдим. Махмудов ва Абдурахмоновлар ҳам тажрибали ўйинчилар ҳисобланади.Уларни иккинчи бўлимда майдонга тушириб, ўйинни кучайтиришни кўзлаган эдим. Лекин ўйлаган режаларимиз амалга ошмади.