Даврон Файзиев: "Локомотив" бугун ўйнамади, машғулот ўтказди"
17 aug 2015 22:39
News

Даврон Файзиев: "Локомотив" бугун ўйнамади, машғулот ўтказди"

"Локомотив" - "Сўғдиёна" (7:0) учрашувидан сўнг ташкил этилган матбуот анжуманида дастлаб меҳмонлар устози Даврон Файзиев қатнашди.

"Бугунги "Локомотив" ўйнамади, улар шунчаки машғулот ўтказишгандек туюлди. Рақиб бизни ёш болаларча савалади. Ҳисоб таблода турибди. Ҳозир энг осони ариза ёзиб ишдан кетиш. Бугунги ўйиндан сўнг кетишни истадим. Аммо қилинган меҳнатга ачинаман. Менимча олий лиганинг барча клубида молиявий муаммо бўлса керак, бизда ҳам шундай муаммо бор".

"Йигитларим осмонга чиқиб кетишган шекилли. Кейинги ўйингача уларни яна ерга олиб тушишга ҳаракат қиламиз".

"Шу пайтгача 3 марта ариза ёздим, ҳеч бирини қабул қилишмади. Агар мен кетсам Жиззахга ҳеч бир мураббий бормаса ҳам керак. Ичимда кўп гапларим бор, улар ичимда қолгани яхши", - дейди Даврон Файзиев.