Даврон Файзиев: "Етакчи футболчиларимиз йўқлиги барибир сезилди"

Ўйин ҳақида

- Қизиқарли ва шиддатли курашлар остида ўтган ўйин гувоҳига айландик. Бугун ютишимиз ёки мағлуб бўлишимиз ҳам мумкин эди. Биринчи бўлимда ўйлаган режаларимиз амалга ошди. Гол урдик, ҳаммаси яхши эди. Барибир ўз уйида ўйнаётган "Қизилқум" ҳужумда шиддатни оширди ва дарвозамизга тўп киритди. Етакчи футболчиларимиз йўқлиги сезилди. Бизга кўпроқ ғалаба зарур эди. 

- Жамоангиз кўпроқ қарши ҳужумда ўйнади. Ҳужумларни якунлашда юзага келган камчиликларга нима сабаб бўлди деб ҳисоблайсиз?

- Тўғри, ҳужумлардан фойдаланишда оқсаяпмиз. Аммо, қарши ҳужумларимиз жуда хавфли чиқди. Балки маҳорат, ёки руҳий босим бизга халақит қилган бўлиши мумкин. Руҳий босим мусобақа жадвалида эгаллаб турган ўрнимиздан келиб чиқади. Натижага кўпроқ эътибор бериб ўйнадик.

- Норбековнинг ўйини ҳақида...

- Шоҳназар Норбеков биз кўрсатган режа асосида ўйнади. Биз унинг эркинлигини озгина тақиқлаб қўйгандик. "Қизилқум" уйда олдинга интилади, Норбековда бўш худудлар зарур. Унга охирги зарбаларда совуққонлик етишмади. Шоҳназар кўрсатган ўйинга эътироз йўқ.

- "Қўқон-1912" бугун сафарда 1 очкога эга чиқди. Ушбу очко ғалаба тенг бўлдими ёки зарур 2 очко йўқотилдими?

- Агар ўйиндан келиб чиқсак, бугун фақат ғалаба учун келгандик. Бугун адашмасам 10 бор дуранг натижа қайд этдик. Бугунги очкони қанчалик зарурлигини чемпионат якунида сарҳисоб қилиш тўғри бўлади.

- Кубокдаги "Қизилқум" ва ҳозирги "Қизилқум"нинг фарқи қандай?

- Ҳеч қандай фарқ сезмадим. Жамоа сафида тажрибали футболчилар жам бўлган. Темурхўжа Абдухолиқов жуда яхши ҳаракат қилди. Санжар Шоаҳмедов, Файзулло Қамбаровлар анчадан буён бирга ўйнаб келишади. Бугун тенг ўйин бўлди деб ўйлайман.