Даврон Файзиев: "Бу йил қандай қилиб бўлмасин олий лигада қолмоқчимиз"

"Бугунги ўйиндан кўнглим тўлмади, ҳимояда йўл қўйган хатоларимиз яна биз учун қимматга тушди. Бугун иккита тенг кучли жамоа учрашди", - деб гап бошлади Даврон Файзиев. "Гулистон"да ғалабага бўлган иштиёқ кўпроқ бўлди, агар омадимиз келганида бугун дуранг бўлиши ҳам мумкин эди. Тан оламан бугун жамоам тайёр эмас эди. Лекин кейинги ўйинларга тайёргарликни давом эттирамиз. Бизнинг вазифамиз қандай қилиб бўлса ҳам олий лигада қолиш. Кейинги йил каттароқ мақсад қўямиз. Бу йил эса 10 ёки 11 ўринми фарқи йўқ, олий лигада қолсак бўлди. Вазифани бажаришга ҳаракат қиламиз. Жамоамнинг кўпгина футболчилари ёш бўлгани учундир сафардаги ўйинларда мағлубиятга учраяпмиз. Таркибимизда фақат Илёс Қурбонов олий лига ҳавосидан баҳра олган, қолганлар эса асосан биринчи лигада ўйнашган. Камчиликларни йўқотишга ҳаракат қиламиз".

Энвер Гафаров ёзиб олди