Давид Вилья: “Атлетико”да Фалькаонинг ўрнини билинтирмаслик учун бор имкониятимни ишга соламан”

“Мен жуда бахтиёрман. Бундай катта клубда бўлиш мен учун шараф. Мен “Атлетико” бор кучимни бермоқчиман. Мен жамоа ишқибозлари хурсанд бўлишларини хоҳлайман, бу мен учун катта маъсулият”.

“Атлетико” – бу аллақачон ғолиб жамоа. Мен “Барса”да бахтли эдим, аммо ўтган мавсумда ўзим хоҳлаганимча ўйнамадим. Фаолиятимдаги бир боб тугаб, мароқлилиги бўйича аввалгисидан қолишмайдиган янги боб бошланаяпти.

Мен жамоада Фалькаонинг йўқлигини сездирмаслик учун бор имкониятимни ишга соламан. “Атлетико” Ла Лигада учинчи ўринни эгаллади, Копа дель Рейни ютди, Чемпионлар лигасида ўйнайди... Бу клубга ўтишга қарор қабул қилишим қийин кечмади.

Мен “Барселона”дан кетишга, ва терма жамоада мунтазам ўйнашга қарор қилдим, аммо Жаҳон чемпионати яқинлашгани учун эмас”, - деди Вилья.