Даниэль Себальос: «Модрич ва Кроос даражасида ўйнай оламан»

«Мен дунёнинг энг яхши клубига жам бўлган фантастик футболчилар билан тўп тепишни ва улардан жуда кўп нарсаларни ўрганишни сабрсизлик билан кутяпман. Ўз устимда ишлаб, вақти келганда Лука Модрич ва Тони Кроос даражасига чиқишни орзу қиламан. Ишонаманки, ўша кунлар келади ва мен клуб тарихидан жой оламан.

"Реал Мадрид" футболкасини кийиб майдонга тушишимдан бахтлиман ва бундан фахрланаман. Бу оиланинг бир аъзоси бўлиш, "Реал"дек буюк клуб таркибида тўп тепиш мен учун юксак шараф. Узоқ йиллар давомида жамоа шарафини ҳимоя қилмоқчиман. 

"Реал"дан таклиф тушганда узоқ ўйлашга хожат йўқ эди. Мен ҳозир ўзим орзу қилган жойдаман. "Қироллик клуби"да таркибга кириш учун жуда кучли рақобат бўлиши ҳеч кимга сир эмас. Шу сабабли мен тинмай ўз устимда ишлашим, машғулотларда астойдил тер тўкишим ва мураббий менга берган имконият (дақиқалар)дан унумли фойдаланишга ҳаракат қиламан».