Даниэл Алвеш: "Натижадан кўнглимиз тўлган ҳолда Манчестерни тарк этяпмиз"
19 feb 2014 17:30
News

Даниэл Алвеш: "Натижадан кўнглимиз тўлган ҳолда Манчестерни тарк этяпмиз"

"Барселона" ҳимоячиси Даниэл Алвеш "Манчестер Сити"га қарши Чемпионлар Лигаси 1/8 финали доирасидаги сафар ўйинидан кейин, ўз фикрлари билан ўртоқлашди.

"Ғалабага ёрдам берган энг муҳим жиҳатлардан бири, жамоанинг сабр-бардоши бўлди. Шунингдек, бундай муҳим ўйинларда диққат-эътиборли бўлишни ҳам асло унутмаслик лозим. Қийин рақибга қарши совуққонликни сақлаб қола олдик. Бу эса бизга вазиятлар яратиш имконини берди. Энди бу ердан кўнглимиз тўлган ҳолда қайтмоқдамиз".

"Гол кирита олганим ва бу билан жамоага ёрдам бера олганимдан мамнунман. Бу - менинг ишим. Ишингни яхши уддаласанг, ҳар доим ҳам хурсанд бўласан. Голим ҳисобдаги фарқни катталаштириш билан бир қаторда, кейинги босқичга чиқиш имкониятларимизни ҳам ошириб юборди", - дея унинг сўзларидан УЕФА расмий сайти иқтибос келтирмоқда.

Link :

Source : football.kulichki.net

Receive latest football news directly on your phone. Subscribe for our Telegram channel!

Rating: