Дани Себальос: «Бензема – сайёрамизнинг энг яхши марказий ҳужумчиси»
23 oct 2017 09:31
News

Дани Себальос: «Бензема – сайёрамизнинг энг яхши марказий ҳужумчиси»

«Реал» ярим ҳимоячиси Дани Себальос «Эйбар»га қарши ўйиндан сўнг (3:0) Карим Бенземани мақтади.

«Карим – дунёдаги энг яхши «тўққизинчи рақам». У қандай паслар бераётганига қаранг! Унинг Марселога узатган пасини кўрдингизми!

Бизга уйдаги ғалаба зарур эди. «Эйбар»ни мағлуб этганимиздан хурсандмиз. Деярли идеал ўйин кўрсатиб ғалаба қозондик.

Мухлислар танқиди? Уларнинг бунга ҳаққи бор. Асосийси жамоа бунга қандай муносабат билдириши. «Реал» – дунёнинг энг яхши клуби», – дейди Себальос.