Далич Хорватиялик сиёсатчиларга: "Терма жамоа футболкасини кийманг, биздан узоқроқ туринг"

"Бу футболчилар авлоди жамоа мамлакат, бюджет ва стадионидан қатъий назар муваффақиятга эриша олишини исботлади. Бу сўзларни Хорватиядаги оғир вазият туфайли ёзяпман. У Евроиттифоқдаги энг камбағали ва уни жиноятчилик ташкилотларига алоқадор одамлар бошқаради. Хорватия - 20 йил ичида 20 млн. киши тарк этган мамлакат. Бугун кўплаб одамлар ўзининг талабларини қондира олмаяпти, ёшлар ўз таълими учун пул тўлай олмайди, соғлиқни сақлаш тизими бузилган, юридик ташкилотлар коррупцияга ботган.

Мен одамларни жонида тўйдирган сиёсатчилар ва ҳукуматнинг барча вакилларига мурожаат қиляпман, Хорватия терма жамоасидан узоқроқ туринг. Ҳеч ким сизни кийиниш хонасига таклиф қилмайди, биз суратга тушишни истамаймиз. Айнан сиз Хорватияни Европанинг энг камбағал давлатлардан бирига айлантирдингиз. Бизда ухлашдан олдин оч қоладиган болалар, ишсиз ота-оналар бор.

Мамлакатни жар ёқасига олиб келганлар кийиниш хонасига киритилмайди. Илтимос, қароримизни ҳурмат қилинг, терма жамоа футболкасини кийманг ва ўз имижингизни кўтариш учун муваффақиятимиздан фойдаланманг" - деб ёзди Далич.