Даҳшат! "Штутгарт" сардорининг отаси стадионда вафот этди

"Герта"га қарши ўйинни кўришга борган Гентнернинг отаси ўйиндан кейин вафот этди. 

Баҳс якунланганидан сўнг Гентнер майдонда телевидение учун интервью берди ва ичкарига кириб кетди. Тез орада у трибунага отилиб чиқди. У ерда врачлар футболчининг отасини қутқариб қолиш учун курашаётганди. Бироқ барча ҳаракатлар бесамар бўлди.

"Штутгарт" ва "Герта" клублари футболчига чуқур таъзия билдиришди.

Гентнер жамоаси кеча 2:1 ҳисобида ғалаба қозонди. Клуб аввалига 0:1 ҳисобида мағлуб бўлаётганди. Кейинчалик Марио Гомес икки гол киритди. Унинг иккинчи голига айнан Гентнер ҳаммуаллиф бўлди.