ЦСКА мухлислари Римда калтакланди, улардан бири пичоқдан яраланди
24 oct 2018 00:48
News

ЦСКА мухлислари Римда калтакланди, улардан бири пичоқдан яраланди

Италия пойтахти Рим шаҳрида айни дақиқаларда давом этаёган “Рома” ва ЦСКА жамоалари мухлислари ўртасида даҳанаки жанг бўлиб ўтди.

ANSA хабарига кўра, тартибсизликларнинг бири “Олимпико” стадиони ёнида содир бўлди. Жанжал натижасида россиялик фанатлардан бири пичоқ зарбидан жароҳатланди. Яна икки нафари яхшигина калтакланди.

Натижада полиция ходимлари оломонни тарқатиб юбориш учун сувдан фойдаланди. Ўн беш нафар Рим клуби тиффозилари хибсга олинди. Бир муддат аввал Рим метроси эскалаторидаги кўнгилсиз ҳолат сабаб ЦСКА клубининг бир гуруҳ мухлисларига шикаст етган эди.