ЦСКА билан ўйин, ўтказиб юборилган голлар, кейинги учрашув борасида Артём Филипосян қандай фикрда?

"Мазкур ўйин қийин бўлишини билардик. Чунки ўз майдонида ўйнаётган ҳар бир жамоа тўлиқ куч билан ҳаракат қилади. Мухлислар далдаси катта ёрдам беради. Биз эса муҳим ғалабага эришиб, мақсадимиз сари яна бир қадам ташладик. Лекин ўйин жуда қийин кечди", – деди Филипосян. 

- Ўтказиб юборилган голлар хусусида нима дея оласиз?

- Ҳар сафар ҳимоячилар ва дарвозабон нолга ўйнаши жуда қийин иш. ЦСКА билан баҳсда иккита тўп олиб чиқдик. Демак, биз ўйин назоратини қўлдан чиқардик. Шунга қарамай, мақсадимиз ғалаба қозониш эди ва бунинг уддасидан чиқа олдик. Асосийси, шу.

- "Олтин Аср" билан бўладиган баҳсдан нималарни кутяпсиз?

- Сўзсиз бу финалга тенг ўйин бўлади. Эртадан бошлаб бўлажак рақибимизни ўрганишни бошлаймиз. Биз фақат ғалабани ўйлашимиз керак, чунки пешқадам жамоа кейинги босқичга йўлланма олади. "Олтин Аср"ни мағлубиятга учратишимиз муҳим аҳамиятга эга. Худо хоҳласа, биз "Олтин Аср"ни мағлуб этамиз ва Ўзбекистон халқини қувонтирган ҳолда ортга қайтамиз.