Coca Cola Суперлигаси ва Про-лига иштирокчилари "Футбол фаолиятини ҳимоя қилиш тўғрисида декларация"га имзо чекишди

Футбол расмийлари ПФЛ ва ЎФА томонидан қўйилган бир қатор шартларни қабул қилишди ва уларга розилик беришди:

Букмекерлик фаолиятида, тотализатор ўйинларида, футбол билан боғлиқ расмий спорт турларига пул тикиш каби ўйинларда иштироки қатъий тақиқланади. 2021 йилдан бошлаб бу каби ишларда иштирок этишга нисбатан Ўзбекистон Республикаси Жиноят кодекси, Жиноят-процессуал кодекси ва Ўзбекистон Республикасининг Маъмурий жавобгарлик тўғрисидаги кодексига мувофиқ жавобгарлик белгиланади.

Футбол учрашувлари натижаларига ҳар қандай ҳийла-найранг, порахўрлик ва бошқа ноқонуний таъсир ўтказиш усулларига йўл қўймайди.

Пора олишга ҳар қандай уриниш ёки спорт қоидаларига зид бошқа ноқонуний ҳаракатлар тўғрисида ЎФА Футбол фаолиятини назорат қилиш бўлимини хабардор қилиш мажбуриятини олади.

Зарурат туғилганда тергов ҳаракатларида ҳамкорлик қилиш ва керакли маълумотларни тақдим этишда ёрдам беради.

Сизнингча энди футболимиз олдингидан тозароқ бўладими?