Coca Cola Суперлига превьюси. Иккинчи даврада ҳали ютмаган жамоалар тўқнашуви

"Динамо" ўз майдонида "Бухоро"ни қабул қилади. Мазкур қарама-қаршилик 17:00да старт олади. Бугун ҳар икки жамоа фақат ғалабани кўзлаб ҳаракат қилса керак, чунки иккинчи давра бошланганидан бери "Динамо" ҳам, "Бухоро" ҳам ғалаба нашидасини сургани йўқ. 

Хусусан "Динамо" фақат мағлубиятга учраб келаётган бўлса, "Бухоро" иккита дуранг ва иккита мағлубият қайд этди. "Динамо" аслида кетма-кет бешта ўйиндан бери ютқазяпти. Бу жамоа биринчи даврада ҳартугул ўзини кўрсата олганди, аммо иккинчи даврада ҳозирча мағлубиятлардан боши чиқмай қолди. 

Самарқандликлар охирги марта уйда "Локомотив"ни 2:1 ҳисобида мағлуб этишган, шундан бери Даврон Файзиев шогирдлари "Бунёдкор"га қарши икки марта, шунингдек "Локомотив", "Қўқон-1912", "Қизилқум" жамоаларига қарши майдонга тушиб бу ўйинларда ҳам имкониятни бой беришди. 

"Бухоро" эса охирги марта "Андижон" билан кечган учрашувда уч очкони қўлга киритган. Иккинчи давра бошланганидан бери бухороликлар ҳали ғолиб чиқишгани йўқ. Биласизми? "Бухоро" қаторасига бешта ўйиндан бери сафарда фақат мағлубиятга учраб қайтмоқда. Бу жамоа шу пайтгача сафарда бир марта зафар қучган: Қўқонда "Қўқон-1912"ни 3:1 ҳисобида мағлуб этиб қайтган.

Dinamo

Superliga. Round 18 27/08/2019, 17:00 3 : 0 Finished

Bukhara Andrey Sidorov - 68', Salamat Qutiboev - 70', Sardor Sulaymonov - 73'

45'

90'

68'  Andrey Sidorov

70'  Salamat Qutiboev

73'  Sardor Sulaymonov

Open in Match Center