Coca-Cola Суперлига. "Навбаҳор" – "Пахтакор" ўйинида ишлайдиган Норсафаровнинг статистикаси

Coca Cola Суперлига. Бугун "Навбаҳор" "Пахтакор" билан ўйнайди         

"Навбаҳор" ва "Пахтакор" жамоалари ўртасидаги баҳсни 27 ёшли Фирдавс Норсафаров бошчилигидаги ҳакамлар бригадаси бошқариб боради. 18:30 да старт оладиган ўйин мазкур бригада учун Суперлиганинг жорий мавсумидаги 3-си бўлади. Улар бунга қадар "Андижон"нинг "Қизилқум" ва "Бунёдкор"га қарши ўйинларида ишлашган эди (шунингдек, Про лигада ҳам битта ўйин).

ҚИЗИЛҚУМ – АНДИЖОН - 1:0
11 март 2021 йил. Навоий. "Ёшлар" стадиони. 18:30
Ҳакамлар: Фирдавс Норсафаров, Фарҳод Усмонов, Зуфар Элибоев, Наим Қосимов
Назоратчи: Бахтиёр Тоғаев

Coca Cola Суперлига, 3-тур
БУНЁДКОР – АНДИЖОН 3:1
20 март 2021 йил. Тошкент. "Бунёдкор" стадиони. 18:30
Ҳакамлар: Фирдавс Норсафаров, Зуфар Элибоев, Фарҳод Усмонов, Шоҳруҳ Қаюмов
Назоратчи: Владислав Цейтлин

Жорий мавсум статистикасининг далолат беришича, Норсафаров сариқ карточкаларини ҳар ўйинда ўртача 5 марта чўнтагидан чиқаришга мажбур бўляпти. Бундан ташқари, у 20 март куни ўтказилган 3-тур баҳсида "Бунёдкор" вакили Иброҳим Томивага қизил карточка кўрсатган эди. 

Қизиқарли жиҳати, Норсафаров ўзи ишлаган иккала баҳсда ҳам 1 тадан пенальти белгилаган (ҳар иккови "Андижон" дарвозасига).