Latest news

00:15Илёс Зейтуллаев: "Мен мураббийман, футболчининг шартнома масаласини клуб ҳал қилади"  0 00:01"Реал" — "Боруссия Дортмунд". Таркиблар маълум  1 23:41Асрор Алиқулов: "Иккинчи тайм учун йигитларга раҳмат айтаман"  1 23:22Миржалол Қосимов: "Иккинчи даврада ўзимизни кўрсатиб, аввалги мақомимизга қайтмасак бўлмайди"  1 23:10Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди  155 22:50Аёллар. Ўзбекистон терма жамоаси Непални пенальтилар сериясида мағлуб этиб, 23 йиллик танаффусдан сўнг Осиё чемпионатига чиқди  4 22:10Качоррининг дубли "Бунёдкор"га "Андижон" устидан ғалаба тақдим этди  44 21:55Суперлига. ОКМК "Машъал" майдонида қийинчилик билан ғалаба қозонди  4 20:29"Челси" 48,5 млн фунтлик трансферни эълон қилди  5 19:46Ўзбекистон ва Непал дуранг ўйнаса нима бўлади?  5 18:06Деку ва Флик ҳозирда Рэшфорд трансферини кўриб чиқмаяпти. "Барса" Диасга эътибор қаратмоқда  2 17:30"Сен буни ўқийсан". Жотанинг энг яқин дўсти ҳалок бўлган футболчига мактуб ёзди  4 16:40"Интер" ва "Галатасарой" Чалханоглу трансфери бўйича музокараларни бошлади  0 16:10Ўзини тополмаган ўнлик: Биринчи давранинг омадсиз трансферлари   11 15:51Расман: Кайл Уокер янги клубга ўтди  0

Coca Cola Суперлига. Қизил карточка кўрсатилган ва пенальти бекор қилинган ўйинда "Металлург" Ғофурбековнинг суперголи эвазига "Қизилқум"ни мағлуб этди News

Coca Cola Суперлига. Қизил карточка кўрсатилган ва пенальти бекор қилинган ўйинда "Металлург" Ғофурбековнинг суперголи эвазига "Қизилқум"ни мағлуб этди

Coca Cola Суперлиганинг 3-туридан ўрин олган "Металлург" - "Қизилқум" учрашуви якунланди.

Coca Cola Суперлига, 3-тур

МEТАЛЛУРГ – ҚИЗИЛҚУМ 1:0
19 март 2023 йил. Бекобод, "Металлург" стадиони. 16:00
Ҳакамлар:
Рустам Лутфуллин, Элнур Дониёров, Артём Калинин, Акмал Раҳимов
ВАР ҳаками: Акобирхўжа Шукуруллаев
АВАР: Эдита Миробидова
Назоратчи: Владислав Сейтлин
Комиссар: Владимир Назаров

Гол: 1:0 — 58, Шаҳзодбек Ғофурбеков.

"Металлург": 87.Акмал Ортиқов, 4.Керим Палич, 6.Худойшукур Сатторов, 9.Забиҳилло Ўринбоев, 10.Бектемир Абдуманнонов (77.Асилбек Қаюмов, 90), 14.Аброрбек Тошқўзиев, 21.Абдужалил Маназаров, 22.Шаҳзодбек Ғофурбеков, 55.Филип Стаменкович, 91.Марко Обрадович (7.Ҳусниддин Ғофуров, 73), 97.Муҳаммадали Алиқулов.
Захира: 12.Александр Лобанов, 35.Самандар Муратбаев, 5.Муҳаммадбобир Мўйдинов, 15.Риан Исламов, 19.Эргаш Исмоилов, 23.Беҳруз Шодмонов, 26.Миркомил Абдураззоқов.

"Қизилқум": 35.Жавоҳир Илёсов, 2.Авазхон Маматхўжаев (30.Ислом Тошпўлатов, 78), 4.Илҳом Ваҳобов, 5.Самандар Шукуриллаев, 6.Муродбек Раҳматов, 10.Ислом Кенжабоев, 11.Жасур Холтўраев (26.Виктор Мбаома, 78), 13.Николай Тарасов, 24.Ифеани Ифеани, 77.Ойбек Нурматов (75.Олег Толмасов, 45), 87.Алишер Саноев (23.Шерали Жўраев, 68)
Захира: 22.Артём Макосин, 9.Ҳумоюн Абдуалимов, 25.Азизбек Усмонов, 79.Диёр Раҳматиллоев. 

Огоҳлантиришлар: Ифеани Ифеани (10), Худойшукур Сатторов (22), Муҳаммадали Алиқулов (45), Авазхон Маматхўжаев (67), Ислом Кенжабоев (71)

Четлатиш: Николай Тарасов (41)

МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ.

90+3. "Металлург" сафида ўзгариш: Асилбек Қаюмов Бектемир Абдуманноновнинг ўрнига учрашувни якунлаб қўяди.

90. Иккинчи бўлимга 4 дақиқа қўшиб берилди.

89. Кенжабоев дастлаб тўп билан стадиондан ташқарига чиқиб кетди, сўнгра ўйиндан ҳам ташқарида қолганини билиб олди.

82. Ҳусниддин Ғофуров тепган тўпи голга айланиши учун сал қолишига сал қолди.

78. "Қизилқум"да икки ўзгариш: Жасур Холтўраев ва Авазхон Маматхўжаев ўрнига Виктор Мбаома ва Ислом Тошпўлатов майдонга туширилди.

73. "Металлург" сафида ўзгариш: Ҳусниддин Ғофуров Марко Обрадовични алмаштирди

71. Ислом Кенжабоев огоҳлантирилди.

68. "Қизилқум"да ўзгариш: Саноев ўрнига Жўраев майдонга туширилди.

67. Маматхўжаев биринчи бўлимда бекор қилинган сариқ карточкасини барибир ўзиники қилди.

65. Тўп учун курашда икки жамоаси футболчилари калла уриштиришди.

64. Алиқулов тўпни тўхтатишда менинг 1-синфдаги пайтимдагига ўхшатиб ҳаракат қилди.

58. ГООООООООООООЛЛЛЛЛЛ!!! Ғофурбеков кучли зарбаси билан оғзимдаги "Орбит"ни тушириб юборди. 

55. Ҳакам "жонли девор"да турган футболчилар ёнига яқинлашиши биланоқ майдонга дезодорантга ўхшаган суюқлик сепди. Меҳмонларнинг жарима зарбаси эса майдонга сепилган кўпик сингари ҳавога учиб кетди.

52. Алиқулов дарвоза ортида зерикканча уйқусираб турган болакайга тўп оширди.

47. Илёсов тўпга чиқишда хатоликка йўл йўқди, сўнгра хатосини тўғрилаш учун тўпга оёқ қўйди.

46. Иккинчи бўлим бошланди.

Биринчи бўлим якунланди.

45+6. Ҳакам ўзи билан тортишган Алиқуловга Тарасовга ўхшашни хоҳлайсанми деганди, бекободликлар ўйинчиси тинчланди.

45+3. "Қизилқум"да ўзгариш: Нурматов ўрнига Олег Толмасов майдонга туширилди.

45. Биринчи бўлимга 5 дақиқа қўшиб берилди.

45. Пенальти ва сариқ карточка бекор қилинди. Қизил карточка эса ўз кучида қолди.

41. "Қизилқум" дарвозаси томон пенальти белгиланди. Қоида бузган Маматхўжаев огоҳлантирилди. Тарасов, адашмасам, "Ҳэй, фууу"га ўхшаш жумлани ишлатгани учун четлатилди. ВАР вазиятни ўрганмоқда.

40. "Сениям даволаши, сениям даволашади..." Энди даволаниш навбати Тарасовга келди.

36. Шифокорлар майдон чизиғидан ташқарига чиқмаса ҳам бўларди, ҳар икки дақиқада бошловчи га ўхшаб фақат шуларни кўряпмиз.

31. Бугунги ўйин фақат йиқилишлар билан қизимоқда. Ҳозирги вазиятда ҳам бекободликлар посбони билан Холтўраев "ташлашиб" қолди.

29. Шаҳзодбек Ғофурбеков жудаям чиройли ноаниқ зарба йўллади.

24. Кенжабоев марказдан рақиб жарима майдонига кириб борди ва зарба йўллади, дарвозабондан қайтган тўпга эса Холдорхонов "Ҳарри Магуайр" дейдиган ҳаракат амалга оширди. 

Тўп назорати: 45%-55%

22. Худойшукур Сатторов оёқбосди маросимида иштирок этгани учун огоҳлантирилди.

18. "Қизилқум" томонидан ташкил этилган хавфли ҳужумнинг якунини кейинги ҳужумларда кўрадиган бўлдик.

14. Кенжабоевнинг узатмасига фақатгина трибунанинг энг юқорисида ўтирган киши етиб бора оларди.

10. Исми билан фамилияси бир бўлган Ифеани рақибнинг бутсаси ва тўп ранги бир хил эканлигини фарқига бормагани учун огоҳлантирилди.

5. Тўп-патрул ҳодисаси юз берди. Бир футболчи у ёндан, бири бу ёндан келди ва... бир қарасам, иккаласи икки ёнга думалаб ётибди.

2. Дастлабки зарба ҳам мезбонлар томонидан йўлланди.

1. Учрашув қурбонлик билан бошланишига сал қолди. Ярим дақиқа ўтар-ўтмас мезбонлар ўйинчиси жабрланди.

Бугун "Металлург" кўк, "Қизилқум" қизил рангли либосда ҳаракат қилади.

Ассалому алайкум, футбол ишчибозлари! Бугун якшанба, бошлиқларган гап эшитмайдиган кун. Ташқарида баҳор ҳавоси. Ёшлар учун романтика, бизлар учун эса футболтика. Бугун дам олиш, ишим кўп дейишга баҳона йўқ, шу боис футбол кўриш керак, тамом.  

- Учрашув соат 16:00да бошланади.

Rating: +3   

Comments

championat.asia
< show latest news
Яндекс.Метрика