Coca Cola Суперлига. Бугун Наманганда водий дербиси, "Локомотив" "Бухоро" меҳмони бўлади

Coca Cola Суперлигаси, 16-тур
“Бухоро” – “Локомотив”
20 сентябрь 2020 йил. Муборак. Баҳром Вафоев номидаги стадион. 17:00
Ҳакамлар: Акобир Шукуруллаев, Зуфар Элибоев, Фарҳод Усмонов, Комил Расулов
Назоратчи: Ноил Лутфуллин
Комиссар: Бекзод Арипов

Тўртта ўйиндан буён ғалаба қозона олмаётган "Бухоро" Муборакда охирги икки турда ғалабага эришган "Локомотив"ни қабул қилади.

Бу жамоалар ҳозирга қадар Ўзбекистон чемпионатида ўзаро 31та ўйин ўтказган. 20та учрашувда "Локомотив" ғолиб бўлган, 6та баҳсда "Бухоро" зафар қучган. Қолган бешта ўйинда дуранг қайд этилган. "Локомотив" ўзаро ўйинларда 62та гол уриб, 31та гол ўтказиб юборган.

Биринчи даврада Тошкентда кечган учрашувда "темирйўлчилар" 3:0 ҳисобида зафар қучишган.

"Бухоро" кетма-кет 9та ўйиндан буён бу рақибга ютқазиб келмоқда. "Бухоро" 4та ўйиндан буён "темирйўлчилар" дарвозасига гол ура олмаяпти. Сўнгги бор бухороликлар 2016 йилги мавсумда "Локомотив"ни мағлуб этишганди.

“Навбаҳор” – “Андижон”
20 сентябрь 2020 йил. Наманган. "Марказий" стадион. 19:00
Ҳакамлар: Аҳрол Рисқуллаев, Ришат Нугманов, Дониёр Сайлавов, Достон Мирзараимов
Назоратчи: Бобур Ҳайдаров
Комиссар: Жаҳонгир Раҳматуллаев

Суперлигада бу мавсум умуман ғалаба қозона олмаган "Андижон" бу тур охирги 6та учрашувдан буён юта олмаётган "Навбаҳор" меҳмон бўлади.

Бугунги баҳс водийнинг бу икки клуби ўртасидаги 50-учрашув бўлади. 25 марта "лочинлар", 10 марта "бургутлар" ғолиб бўлишган. 14 бор томонлар муроса кўчасини танлашган. "Навбаҳор" ўзаро ўйинларда 73та гол уриб, 47та гол ўтказиб юборган.

"Бургутлар" ўзаро охирги 3та ўйинда бу рақибни мағлуб эта олишмаган. Сўнгги бор "Андижон" 2016 йилги мавсумда "лочинлар"дан устун келган.

Биринчи даврада Андижонда кечган учрашувда 0:0 ҳисоби қайд этилган эди.