Чилини ЖЧ-2018га олиб чиқа олмаган мураббий Саудия Арабистони билан Россияга боради
28 nov 2017 13:02
News

Чилини ЖЧ-2018га олиб чиқа олмаган мураббий Саудия Арабистони билан Россияга боради

Хуан Антонио Пицци Саудия Арабистони бош мураббийи этиб тайинланди.

Аргентиналик 49 ёшли мураббий Чили терма жамоасини ЖЧ-2018 финал босқичига олиб чиқа олмай 10 октябрь куни истеъфога чиққан эди.

Кеча у Саудия Арабистони терма жамоасини қабул қилиб олди ва Россиядаги мундиалга борадиган бўлди.

Саудия Арабистони футболи раҳбарияти шу йилнинг сентябрь ойида мундиал йўлланмасини тақдим этган голландиялик Берт ван Марвейкни ишдан бўшатганди. Унинг ўрнига келган аргентиналик Эдгардо Бауза эса ноябрь ойида ишдан олинди.