Чемпионлар лигаси гуруҳ босқичининг энг чиройли голи аниқланди
17 dec 2021 19:27
News

Чемпионлар лигаси гуруҳ босқичининг энг чиройли голи аниқланди

УЕФА расмий сайти Чемпионлар лигаси гуруҳ босқичида урилган энг чиройли гол учун овоз бериш натижалари ҳақида маълумот берди.

Унга кўра, Лионель Месси қитъанинг энг кучли клублар мусобақасининг ушбу босқичида энг яхши гол муаллифи сифатида тан олинди. ПСЖнинг "Манчестер Сити"га қарши ўйинида Месси жарима майдончасига ёриб кириб, Килиан Мбаппе билан комбинация ташкил қилди ҳамда дарвозанинг олис бурчагига зарба йўллади. Бу Мессининг ПСЖ сафидаги илк голи бўлди.

Иккинчи ўринни Тиаго Алькантаранинг "Порту" дарвозасига урган голи эгаллади - испаниялик ярим ҳимоячи ҳимоячилар қайтарган тўпга югуриб келди ва ўттиз метрлардан дарвозанинг ўнг бурчагини аниқ нишонга олди. Учинчи поғонани Роберт Левандовски томонидан Киевнинг "Динамо" клуби дарвозасига киритилган гол эгаллади.

Link :

Source : uefa.com

Receive latest football news directly on your phone. Subscribe for our Telegram channel!

Rating: +4