“Челси”га Мертенс керак

“Наполи” вакили Дрис Мертенс ёзги трансферлар вақтида клубини ўзгартириши мумкин. “Челси” Дрисга бўлган қизиқишини тиклагани айтилмоқда. 32 ёшли футболчининг неаполликлар билан амалдаги шартномаси июлда якунига етади. У бир неча бор “Наполи”нинг янги шартнома борасида таклифларини рад қилишга улгурди.

Мертенснинг хизматларига шахсан лондонликлар бош мураббийи Френк Лемпарднинг қизиқаётганлиги таъкидланмоқда.

Жорий мавсум Мертенс А Cерия доирасида 21 та ўйинда қатнашиб, 6 та гол урди ва 5 та голли узатмани амалга оширди.