“Челси” ва “Ливерпуль” Уайт учун курашади

“Челси” “Брайтон”нинг 22 ёшли ҳимоячиси Бен Уайт учун курашда “Ливерпуль”ни доғда қолдиришни истамоқда. Бен Уайт 2016 йилдан бери “Брайтон” аъзоси ҳисобланади. Аммо футболчи сўнгги 3 мавсумни ижара асосида бошқа клубларда ўтказди. Жумладан, 2019/20 йилги мавсумда Уайт “Лидс” сафида ҳаракат қилди. У клуб сафида 46 та ўйин ўтказди ва жамоасининг АПЛга қайтишига ёрдам берди. Маълум бўлишича, “Брайтон” Уайтни сотишга қарши эмас, фақат бунинг учун 20 млн фунт стерлинг тўланса бас.