"Челси" "Порту" посбони учун 75 млн евро тўлашга тайёр

"A Bola" хабарига кўра, Лондон клуби 23 ёшли посбоннинг хизматларига жиддий қизиқиш билдирмоқда. "Порту" эса дарвозабони учун 75 млн евро сўраган. Бу футболчининг шартномасидаги товон пули ҳисобланади. "Челси" фақатгина 3 босқич билан ушбу пулни тўлаши мумкин: унга кўра, 25 млн евро маблағ илк тўлов сифатида ўтказиб берилса, тўловнинг яна шунча миқдордаги икки қисми кейинроқ тўланади. Шу орқали клуб молиявий фэйр-плей шартларини бузмаган бўлади.

Ўтган йили ПСЖга ҳам ушбу посбон керак бўлган, бироқ клублар келиша олмаганди. Айни дамда Кошта Европанинг энг зўр посбонлари қаторига киритилмоқда ва у АПЛда энг яхшиларидан бири бўлиши кутилмоқда.

Ўтган мавсумда Диогу "Порту" таркибида 41 ўйинда қатнашиб, шуларнинг 20тасида гол ўтказиб юбормади.