"Челси" Мусиаланинг эҳтимолий трансферидан каттагина сумма ишлаб олиши мумкин. Қандай қилиб?

"Бавария" клуби футболчиси Жамал Мусиала ёзда бошқа клубга трансфер қилинадиган бўлса, "Челси" клуби бу трансфердан қанча сумма ишлаб олиши маълум бўлди.

"Челси" клуби Жамал Мусиалани 2019 йилда атиги 200 минг евро эвазига "Бавария"га сотиб юборганди. Бироқ, немис клуби билан тузилган келишувга кўра "Челси" Мусиаланинг кейинги эҳтимолий трансферидан 20% улуш талаб қилиши мумкин бўлади. 

Қайд этиш жоизки, айни дамда Жамал Мусиалага Англиянинг икки гранд клуби - "Ливерпуль" ва "Манчестер Сити" қизиқиш билдиришмоқда. Тахминий трансфер қиймати 90 млн евро атрофида баҳоланмоқда. "Бавария" Мусиалани сотадиган бўлса, "Челси"га трансфер қийматининг 20% қисмини тақдим қилади.

Маълумот учун, Жамал Мусиала "Челси" тарбияланувчиси ҳисобланади. Ярим ҳимоячи "Бавария"да 2019 йилдан бери ҳаракат қилиб келмоқда.