"CA"да фотомақола: "Бунёдкор" - "Нефтчи" 1:1

Кеча "Нефтчи" ўз тарихида биринчи маротаба сафарда "Бунёдкор"дан очко олди. Бугунги кунда "Нефтчи"даги вазиятдан норози бўлаётган мухлисларни тўғри тушунган ҳолда, улардан яна озгина чидашларини сўраймиз. Фёдоров, Лебедев, Раимжонов каби мутахассислар билан Исмоиловдан ниманидир кутса бўлади. "Олмалиқ"ни шакилланишига ҳам анча вақт кетган. Демак, фотомақоламизни томоша қилинг.

Шерзод Раимжонов ва Андрей Фёдоров. Айни пайтда Фёдоровда керакли лицензиянинг йўқлиги боис у мухлислар ўриндиғида ўтиришга мажбур. Фёдоровдан шаҳсан ўзимни ҳам умидим катта. Лекин жамоада биронта ишни қойиллата олмай, кейин уларни гап қилиб юрганлар кўпайиб кетди. Ҳаттоки коментларда ҳам сунъий юзерлар пайдо бўлди. Бизни алдай олмайсизлар!

Кечаги ўйин қаҳрамонлари. Самимий маънода. Муҳамедовнинг гуруҳи айтарли хатоларга йўқ қўймади. Ўйинда борлиги ҳам билинмади. Ҳакамларни танқид қилишни билган, мақташни ҳам билиш керак. Ҳақиқатдан ҳам ўйинни одилона бошқарди.

"Пахтакор"дан ижарага олинган, асли фарғоналик Абдуллох Олимов бу йил "Нефтчи"нинг асосий таркибидан муқим жой топа олди. Бу футболчи Туркияда бўлиб ўтган жаҳон чемпионатида Ўзбекистон ёшлар терма жамоаси шарафини ҳимоя қилган эди.

Гол ура олмаётган жамоаси сафида ўзгартириш киритган Лушаннинг "Бунёдкор"даги режалари катта экан. Аввало ҳимояда жиддий ўзгариш қилишни режалаштираётган мутахассис, унинг талабига жавоб бермайдиган футболчилар билан хайрлашишини айтиб ўтди.

Бу тасодифий сурат. Аслида Исмоилов сув идишини ерга куч билан отди ва сув ҳуддики ундан чиқаётгандек кўриниш ҳосил қилди. Кечаги дуранг, унинг танқидчилари учун муносиб жавоб бўлди.Ким нима деса, десин-у, аммо 35-рақамдаги Муродбек Бобожоновни майдонга тушириш айнан унинг қарори эди. Учрашувдан кейин суҳбатлашар эканман, "шу болани туширишни юрак айтиб турган эди", - дейди Мурод Исмоилов.

Учрашувнинг, нафақат учрашувнинг, балки турнинг энг яхши футболчиси бўлишга арзийдиган ўйин қилган Ғайрат Ҳасанов. Жуда ҳам ҳазилкаш инсон. "Сўғдиёна" билан бўлиб ўтган ўйиндан кейин мухлислардан узр сўраган Ҳасанов кечаги ўйиннинг биринчи бўлимида қандай зарбаларни қайтарди-я? Бу посбоннинг бир одати бор, бир турса ёмон туриб қўяди. Бир одатим бор, икки бўлим ҳам бир ерда туриб расм оламан. Биринчи бўлимда "А" жамоанинг ҳужумларини олсам, иккинчисида "Б" жамоани. Кеча иккинчи бўлимда Ғайрат Ҳасанов қўриқлаётган дарвоза томонда турдим.

- Нодирбек, қалайсиз? (Бу пайтда дарвозабон аслида тўпни майдонга киритиши керак)

- Яхши, ўзиз қалайсиз, аммо ўйин чакки эмас!

Бир пайт ҳакам келиб, Ғайрат, ўйинни чўзма, огоҳлантириш бераман деди.

Ҳасанов: - Ака чарчаяпмиз энди, биринчи бўлимда фақат бизга ҳужум бўлди.

Ҳасановни суҳбатини олган одам, кулавериб думалаб қолади.

Ҳуллас фотомақоламиз мана шулардан иборат эди.

Нодирхўжа Юлдашев