CA TV: Ўзбекистон Суперкубоги. Ўйиндан кейинги фикрлар

Учрашув тугагач мухбирларимиз "Бунёдкор" бош директори Бахтиёр Бобоев, ҳужумчи Олександр Пишур ва ярим ҳимоячи Сардор Собирхўжаевнинг фикрлари билан қизиқишди. Қуйида ушбу интервьюларни TAS-IX ҳудудида томоша қилинг.

сифатли тури

 
мобил тури


"Бугунги ғалаба орқали жамоамиз мухлисларга катта байрам ташкил қилиб берди. Биринчи совринни қўлга киритдик. Бу йил олдимизга қўйилган барча мақсадларга эришамиз деб ўйлайман. Асосий мақсадимиз ёшларни кўпроқ ўйнатиш. Собирхўжаев, Раҳматуллаев, Рашидов ва Жўраевнинг келажаги бор, ўсишдан тўхтаб қолишмасин. Учрашувда легионерлар ҳам яхши ўйин намойиш этишди. Бу эса селекцияда хато қилмаганимизни кўрсатди", - дейди Бахтиёр Бобоев. 

"Мен учун оддий баҳс бўлди. Лекин "Локомотив" билан ўйинлар доим қийин ва жиддий бўлади. Бугунги учрашув ҳам кескин ўтди", - дейди учрашувда ҳисобни очган Олександр Пишур.

"Ўйин қийин бўлди. Учрашув бошланишига 2 соат қолганида мураббий бошланғич таркибни эълон қилди. Очиғини айтсам захирадан тушсам керак деб ўйлагандим. Бошида бироз ҳаяжон бўлди, ёш футболчи учун бу нормал ҳолат деб ўйлайман. Кейинги ўйинларда яхшироқ ўйнашга ҳаракат қиламан", - дейди Сардор Собирхўжаев.