Latest news

21:10"Реал" ёки ПСЖ эмас. Клублар ўртасидаги жаҳон чемпионати фаворитининг номи айтилди  0 21:00"Динамо" – "Нефтчи" 0:1 (матнли трансляция)  13 20:45Ўзбекистон Кубоги. "Пахтакор" – "Олимпик-MobiUz", "Хоразм" – "Навбаҳор"  8 20:43Расман: "Атлетико" Баэнани "Вильярреал"дан 45+5 миллион еврога сотиб олди  0 20:35Осиё Кубоги саралаши. Лаос - Ўзбекистон (онлайн ҳисоб)  1 20:19Расман: "Челси" 60 миллион фунтлик трансферни амалга оширди  0 18:50Куртуа Трент ҳақида: "Унинг жарима зарбалари ва бурчак тўплари – бошқа даражада, бундай техникaни ҳеч қачон кўрмаганман"  2 18:27Эшитдик-да! Шацких "Пахтакор"дан икки андижонлик футболчини "Андижон"га олиб келмоқчи  17 17:49Клублар ўртасидаги Жаҳон чемпионатида қайси жамоа ғолиб бўлади? Opta жавоб берди  12 17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  3 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  1 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  4 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  10 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  6

"CA" тарбияланувчиси, "Нефтчи"нинг янги матбуот котиби! News

"CA" тарбияланувчиси, "Нефтчи"нинг янги матбуот котиби!

Куни кеча "Нефтчи" жамоасида бўлиб ўтган ўзгаришлар, жамоанинг матбуот хизматига ҳам таъсир ўтказмай қолмади.
Ярим йилдан ортиқ вақт давомида клубда фаолият олиб борган Аброр Деҳқонов ўрнига биринчи лигани ёритиш борасида сайтимизнинг асосий кучи бўлган Исломбек Рустамбеков янги матубот котиби этиб тайинланди.

Кимлар учундир бу оддий хабар бўлиши мумкин, аммо мен учун эмас.

Бундан 2 ой аввал яна бир ходимимиз Ҳумоюн Довуров "Машъал" жамоаси матбуот котиби этиб тайинланди. Бир йил олдин Толибжон Қосимов "Истиқлол" жамоасига айнан шу лавозимга ишга кирди. Худди шундай Жиззахдан Умид Раимжонов якунда "Сўғдиёна" клуби матбуот бўлимида иш бошлади. Аброр Қодиров эса "Локомотив"да иш бошлашга яқин турибди.

Бугунга келиб сайтимиздан етишиб чиққан матбуот котибларининг сони 5 нафарга етди. Албатта, бундан сайтимиз аъзолари жуда хурсанд. Ҳеч бўлмаса шу йўл билан Ўзбекистон клубларига ёрдамимиз тегаётганидан мамнунмиз.

Бу ходимларимизни келажакда журналистика бўйича фаолият олиб боришни истаётган ёшларга ўрнак қилиб кўрсатишимиз мумкин. Сайтимизнинг жонли кўриниш олиши, ходимларнинг воқеа жойида фаолият олиб боришлари, назарга тушишларига сабаб бўляпти. Сайтимиз эса уларга трамплин вазифасини бажариб бераётгани қувонарли ҳол бўлса керак.

Энди "Нефтчи" жамоаси билан йўлга қўядиган лойиҳаларимиз сони кўп бўлади. Бу эса фарғоналик ўқувчиларга ёқиши аниқ.

Кечагидек ёдимда, Ҳумоюн сайтда оддий "комментчи" эди. "Иняз" ники билан фикр қолдирарди. Секин-аста интервью қилишга ўтди, кейин биринчи лига. Исломбек эса нуқул ака, сизга ҳавас қиламан дерди. Мен эса унга менга ҳавас қилмасдан ишласанг, мендан ҳам ўтасан деб жавоб қайтарганман. Унда нимани маслаҳат берасиз деб савол берди. Биринчи лигани бошидан охирига қадар ёритасан.

Толибга эса мини футболни қўш-қўллаб топширдим. Натижалар чакки эмас.

Сизда ҳам сайтимиз орқали юксалиш ва футбол журналистикада ўз ўрнингизни топиш имкони бор. Лекин бунинг учун вақт ва сабр керак.

Агар кимда ким сайтимиз билан ҳамкорлик қилишни истаса, asia@championat.asia сайтига хат ёзинг.

Нодирхўжа Юлдашев
Rating:    

Comments

championat.asia
< show latest news
Яндекс.Метрика